Taagapati 25:12 - Tosi Tapu

¹² Ofaipe se mama aulo mo se kasoa aulo mea, E fenaaki ki se taliga patigaofie le poto leia e fai ia se valoki.

Taagapati 25:12 ပူးပေါင်းရင်းမြစ်များ

Lua tosi a Samuele 1:24

Taineliki o Iselaele ! ke kotou tagi kia Saulo, Leia na fakalava ia koutou ki kie kula fulumalilie, Leia na teuteui ia okoutou kofu ki le aulo.

Sopo 28:17

E leaise mafai ke fakatatau a ia ki le aulo pe ko le tiloata, Ti e leaise feala ke fetogi a ia ki se ipu aulo mea.

Sopo 42:11

Na au loa a fetaina, mo tuagaane, ti mo kaukaunea mago o Sopo o fakatele mai kiate ia, ti na lotou kakai fakatasi loa mo ia i lona fale. Na lotou aloalofa loa kiate ia mo fakafimalie a ia i malaia fuli ala na teki e le Eteleno kiate ia, ti na lotou tasi soli loa kiate ia se potu aulo mo se mama aulo.

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Ekesote 32:2

Na pati loa Alone kia latou : Kotou motusi a sa sau aulo mei taliga o akoutou avaga, mo okoutou vosa, ti mo okoutou taineliki, ti kotou aumai latou kiate au.

Ekesote 35:22

Ko tagata mo fafine, latou ala na loto malie, na ano loa o ave alatou moliga ; ko sa sau, mo mama, mo matemate, mo nea fakateuteu aulo kesekese ; na lotou tasi momoli loa lana moliga aulo ala na fakatapui ki le Eteleno.

Taagapati 15:5

E vesia le vale ki le akonaki a lona tamana, Kae ko leia e tokaga ki le valoki e poto.

Taagapati 20:12

Ko le taliga leia e logo, ti mo le mata leia e tio, Ko le Eteleno leia na fai ia laua.

Taagapati 9:8

Aua na ke valoki le tagata gologolo, na vesia a ia kiate koe ; Valoki le tagata poto, ti e alofa loa a ia kiate koe.

Ekelesiasi 7:5

E malie ake le fakalogo ki valoki a le tagata poto i le fakalogo ki le sua a le kau vale.

Esekiele 16:12

Ti na kau fakapiki loa se fa sau ki lou isu, mo se sa sau ki ou taliga, mo se pala fulumalie ki lou ulu.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.