Taagapati 24:24 - Tosi Tapu

²⁴ Ko leia e pati ki le tagata agaveli : E ke agatonu ! E fakamalaia a ia e le kakai, e fakamalaia a ia e atu puleaga.

Taagapati 24:24 ပူးပေါင်းရင်းမြစ်များ

Taagapati 11:26

Ko leia e taofi ia le fulumeto e fakamalaia e le kakai, Kae e ifo le tapuakina ki le ulu o leia e fakatau ia a ia.

Taagapati 17:15

Ko leia e fakamolemole ki le tagata na sala ti mo leia e fakatua ia le tagata na leaise sala E fakalialia toka lua ki mata o le Eteleno.

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Taagapati 30:10

Aua na ke lauveli ki se tagata fakasausau i tafa o lona pule, Ke aua na fakamalaia e ia a koe, ti ke agasala ai.

Esaia 5:20

Malaia kia latou ala e fakaigoa ia le veli ko le malie, ti mo le malie ko le veli, Ala e fetogi ia le fakapouli ko le malama, ti mo le malama ko le fakapouli, Ala e fetogi ia le kona ko le suamalie, ti mo le suamalie ko le kona !

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 66:24

Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,