Taagapati 23:32 - Tosi Tapu

³² E utiuti a ia i le fakaoki ofaipe se gata, Ti e kona a ia ofaipe se gata uti kona.

Taagapati 23:32 ပူးပေါင်းရင်းမြစ်များ

Sopo 20:16

Na mimiti e ia le kona o le gata uti kona, Ti e tamate loa a ia e le alelo o le gata uti kona.

Pesalemo 91:13

E ke saele loa i aluga o le laione mo le gata velo, E ke takatakafi loa le uviki laione mo le talakone.

Ekesote 7:12

Na lotou ti loa ki le kele olatou tokotoko fuli, ti na lotou liliu loa ko ni gata. Kae na folo loa e le tokotoko o Alone alatou tokotoko.

Taagapati 20:1

E gologolo le vino, ti e logoa a kava makeke ; Ko leia e fakavalevale ki ai e leaise poto.

Taagapati 5:11

Ke aua na ke tagi i le mamae i le feofi ki lou mate, Mo ka okioki loa lou kanofi mo lou tino,

Ekelesiasi 10:8

Ko le tagata leia e kenu ia se popoko e vilo loa ki ai ; ti ko leia e maumaui ia se kaua e uuti loa a ia e se gata.

Esaia 11:8

E manogi loa le ga toe koi u i le ofaga o le gata velo, Ti e velo loa e le ga toe koi vavae lona lima ki le pu o le gata utikona.

Esaia 28:3

E takatakafi loa a ia ki vae, Le pala fulumalie o le kau konana o Efalaimi ;

Esaia 59:5

E lotou titi ni fua o le gata uti kona, Ti e lotou lalaga ni pikiaga o kaleveleve. Ko le tagata leia e kai ia alatou fuai manu e mate ; Ti kapau e titi se fa fuai manu e tasi, e ulu mei ai se gata kona.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 8:17

Talie e kau kakau kia koutou ni gata, mo ni gata kona, Ala e leaise feala ke fai ki ai ni nea fakatemonio ; E lotou uuti loa koutou, e pati le Eteleno.

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.

Amosi 9:3

Kapau e lotou mumuni i le tumutumu o le Kalemelo, E kau afa loa latou i ai ti e kau tapo loa latou. Kapau e fufu latou i oku mata i le takele o le tai, E kau fakatotonu loa ki le gata ke uuti ia latou i ai.

Loma 6:21

Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Efeso 5:18

Aua na kotou kona i le vino, ko le mauli fakavale a ia ; kae ke kotou apele i le Laumalie.