Taagapati 22:18 - Tosi Tapu

¹⁸ Talie e malie ke ke taupau a nea ana i lou loto, Ti ke maua tuumau latou i ou laugutu.

Taagapati 22:18 ပူးပေါင်းရင်းမြစ်များ

Pesalemo 119:103

E suamalie au folafola ki oku kau gutu, O lasi ake i le meli ki le gutu !

Pesalemo 119:111

Kua liliu au pelesepeto ko loku tofiga o lee gato, Talie ko le fiafiaaga latou o loku loto.

Pesalemo 119:13

I oku laugutu e kau lau A fakamaau fuli o lou gutu.

Pesalemo 119:162

E kau fiafia i lau folafola, Ofaipe se tasi leia na maua ia se koloa lasi.

Pesalemo 119:171

Ke fakasa e oku laugutu lou fakavikiviki ! Talie e ke ako mai kiate au lou finegalo.

Pesalemo 19:10

E mea le i ki le Eteleno, e tuu a ia o lee gato. E maoki fakamaau a le Eteleno, e lotou totonu fuli.

Taagapati 10:13

E maua le poto i laugutu o le tagata atamai, Kae tonu ke teki le laakau ki le tua o leia e sala atamai.

Taagapati 10:21

E fagai e laugutu o le tagata agatonu se toka api, Kae ko tagata valelea e mamate o tupu ko lolatou sala atamai.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 16:21

Ko leia e poto i le loto e igoa e atamai, Ti ko le agamalu o masau e fakalasi ia le poto.

Taagapati 2:10

Talie e au loa le poto ki lou loto, Ti e fai loa e le iloa ni nea malilie ki lou laumalie ;

Taagapati 22:19

O tupu ke tuku lau fanaki ki le Eteleno, E kau loto ke kau ako a koe i le aso nei, io a koe.

Taagapati 25:11

Ofaipe ni fa pome aulo i ni ipu siliva, E fenaaki se masau leia na malie ti na tautonu lona tuku.

Taagapati 3:17

Ko ona ala ko ni ala malilie, Ti ko ona ala liliki fuli e tokamalie.

Taagapati 4:20

Ei loku vosa, tokaga ki aku masau, Fakalogo lou taliga ki aku akonaki.

Taagapati 4:21

Ke aua na lotou mamao i ou mata ; Taupau latou i le takele o lou loto ;

Taagapati 8:6

Kotou fakalogo, talie e kau maua ni nea lalasi ke fakasa atu kia koutou, Ti e kau fakamavaa oku laugutu ke ako atu le nea leia e totonu.

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Soane 7:38

Ko leia e tui kiate au e tafe loa mei lona loto ni vaitafe o le vai mauli, ofaipe lona tosi.

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.