Taagapati 19:14 - Tosi Tapu

¹⁴ E feala ke maua tofiga se fale mo ni koloa mei lona tamana, Kae ko se fafine atamai ko se nea alofa a ia mei le Eteleno.

Taagapati 19:14 ပူးပေါင်းရင်းမြစ်များ

Senesi 24:44

Inu, ti e kau toe asu ia loa ke inu au kamelo ; ke liliu le taine lena ko le avaga leia na fakatuutuu e le Eteleno ki le vosa o loku aliki !

Senesi 24:7

Ko le Eteleno, le Atua o le lagi, leia na fakamavae ia au mei le fale o loku tamana mo loku fenua, leia na masau mai kiate au o fakapapau feneeki mai : E kau soli loa le fenua leinei ki lou sakoga. E kakau loa e ia totonu lana aselo i ou mua ; ti e ke aumai loa mei le ganea lena se avaga ki loku vosa.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 18:22

Ko le tagata leia e maua ia sona avaga e maua ia le manuia ; Ko se kalasia a ia e fai e le Eteleno kiate ia.

Taagapati 3:6

Ke ke fanaki kiate ia i ou ala fuli, Ti e fakatokatoka loa e ia ou ala.

Lua tosi ki le kau Kolinto 12:14

Ko leinei, ko le tua tolu leinei o laku tokamalie ke kau natu kia koutou, ti e leaise kotou taupau loa kiate au ; talie e leaise kau afa okoutou koloa, kae ko koutou totonu : E leaise gali ke tanaki a fanau ki olatou matua, kae ko matua ki olatou fanau.

Tetelonome 21:16

e leaise feala loa, i le aso leia e vae ai loa e ia le tofiga ki ona vosa, ke soli loa e ia le pule o le uluaki ki le vosa o le fafine leia e alofa a ia ki ai, o fakamuamua loa a ia i le vosa o le fafine leia e leaise alofa a ia ki ai, kae ko le uluaki a ia.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Uluaki tosi a Samuele 25:3

Ko le igoa o le tagata lena ko Napale, ti ko lona avaga ko Apikaile ; na fakapotopoto mo fulumalie le fafine, kae na fefeka mo agaveli le tagata. Na ifo mai a ia meia Kalepo.