Taagapati 15:30 - Tosi Tapu

³⁰ Ko le nea leia e malie ki mata e fakafiafia ia le loto ; Ko se logo malie e fakamakeke ia le tino.

Taagapati 15:30 ပူးပေါင်းရင်းမြစ်များ

Esetalasi 9:8

Kae logo ai a nea ana, na alofa kia matou le Eteleno, lomatou Atua, o fakamauli ni iki o matou, ti kua soli mai e ia kia matou se mumuniaga i lona nofoaga tapu, o tupu ke fakamalamai ai omatou mata mo soli mai ai kia matou se malolo i lotolotoga o lomatou popula.

Pesalemo 89:15

Ko le faitotonu mo le maokioki ko le fakavae o lou ekeekeaga fakasau. E tutuu le agamalie mo le agatonu i ou mua.

Taagapati 12:25

E fakagaegae e le tuania le loto o le tagata, Kae e fakapelepele a ia e se masau alofa.

Taagapati 13:9

E fiafia le malama o le kau agatonu, Kae e mate le malama o le kau agaveli.

Taagapati 15:29

E mamao le Eteleno i le kau agaveli, Kae e fakalogo a ia ki le kole a tagata agatonu.

Taagapati 15:31

Ko le tagata leia e tuku lona taliga ki se valoki leia e taki ia a ia ki le mauli, E nofo i loto malie o le kau poto.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Taagapati 25:25

Ofaipe se vai mokomoko ki se tasi leia e fia inu, E felaaki le logo malie leia e au mei se fenua mamao.

Taagapati 3:8

Ko le malolo loa a ia ki ou kanomate, Ti mo le fakafoou ki ou ivi.

Ekelesiasi 11:7

E malie le tio ki le malama o le laa, ti e malie le mauli.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.