Taagapati 15:13 - Tosi Tapu

¹³ Ko se loto fiafia e fakafiafia ia a mata, Kae ka mamae le loto, e mamae a mata.

Taagapati 15:13 ပူးပေါင်းရင်းမြစ်များ

Neemia 2:2

Na pati mai loa le sau kiate au : Kolea e ke mata mamae ai kae leaise ke masaki ? E lagi ko se mamae i lou loto. Na kau i lasi loa.

Taagapati 12:25

E fakagaegae e le tuania le loto o le tagata, Kae e fakapelepele a ia e se masau alofa.

Taagapati 14:30

Ko se loto malie ko le mauli ki le tino, Kae ko le loto fuaa ko le masaki ki ivi.

Taagapati 15:15

E veveli aso fuli o le tagata leia e mamae, Kae ko le loto fiafia ko se kaitasi a ia o lee gato.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Taagapati 18:14

Ko le loto o le tagata e taofi ia a ia i le masaki ; Kae ko le loto gaegae, ko ai e toe lagai ia loa a ia ?

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Lua tosi ki le kau Kolinto 7:10

Koia, ko le loto mamae mei le Atua e fakatupu ia se fakasemala ki le mauli, leia e leaise tou toe fakasemala ki ai, kae ko le loto mamae mei le malama nei e fakatupu ia le mate.