Taagapati 14:32 - Tosi Tapu

³² E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Taagapati 14:32 ပူးပေါင်းရင်းမြစ်များ

Senesi 49:18

E kau fanaki ki le Eteleno, ko loku tokoi !

Sopo 13:15

Ko leinei, e tatau aifai pe tamate au e le Atua, e leaise gato loa laku amanaki malie kiate ia ; Kae i ona mua e kau puipui loa loku anoaga.

Sopo 18:18

E tulei loa a ia mei le malama ki le fakapouli, Ti e kapu loa a ia mei le malama nei.

Pesalemo 16:11

E ke fakasa mai loa kiate au le ala o le mauli ; E i ai ni fiafia lasi i ou mua, Ni nea malilie lee gato i lou lima atamai.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Pesalemo 58:9

Ke lotou maua le mauli o le esekaleko ! Leia e malo i lana totolo Ke aua na lotou tio ki le laa ofaipe le toe leia na fanaui kua mate !

Pesalemo 73:24

E ke taki loa au i lou poto, Ti e ke tali loa au i lou kololia.

Taagapati 11:5

E fakatokatoka e le faitotonu le ala o le tagata agatonu ; Kae e vilo le tagata agaveli i lana agasala.

Taagapati 14:33

E malolo le poto i le loto o leia e atamai, Kae e sa a ia ki tafa i loto malie o le kau vale.

Taagapati 24:16

Talie e siga tua fitu le tagata agatonu, ti e toe tuu ake a ia ki aluga, Kae e laku le kau agaveli ki le malaia.

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Taagapati 6:15

Koia e soko fakapunamauli ai loa lona maumau ; E fati fakaofolele loa a ia, ti e leaise toe maua loa sona faitoo.

Luka 2:29

I le lakaga nei, Aliki, ke ke tuku la lau tagata fakasausau Ke ano i le tokamalie, o mulimuli ki lau folafola.

Soane 8:21

Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 5:8

e ma apele i le fanaki, ti e ma malie ia ake lama mavae i le tino leinei, o nonofo mo le Aliki.

Filipe 1:21

talie ko Kilisito ko loku mauli, ti ko le mate ko se fakapale a ia kiate au.

Filipe 1:23

Talie e toso au e nea e lua : E kau oli ke kau ano, o nofo mo Kilisito ; ko se nea a ia leia e malie tukupau ake ;

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.