Taagapati 1:31 - Tosi Tapu

³¹ E lotou kai loa ki le fua o lolatou ala, Ti e lotou makokona loa i alatou tokoi totonu,

Taagapati 1:31 ပူးပေါင်းရင်းမြစ်များ

Sopo 4:8

Kiate au, kua kau tio totonu ki ai, ko latou ala na to ia le agaveli Ti na muluki ia le agasala na toe utu ia a fua ;

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Taagapati 12:14

E feala ke logologona le tagata i masau o lona gutu, Kae e fakapale le tagata taki toka tasi o mulimuli ki le gaoi o ona lima.

Taagapati 13:2

E fiafia le tagata malie i le fua o lona gutu ; Kae oli le kau tagata kaka ki le veli.

Taagapati 14:14

Ko leia e sese lona loto e makona i ona ala, Kae e makona le tagata agamalie i le nea leia e maua iate ia.

Taagapati 22:8

Ko leia e to ia le veli e utu ia le mamae, Ti e puli loa le laakau o lona itaita.

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Taagapati 5:23

E mate loa a ia sala akonaki, E siga loa a ia i le lasi o lona valea.

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Selemia 14:16

Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 21:14

E kau tautea loa koutou o mulimuli ki fua o akoutou gaoi, e pati le Eteleno ; E kau tuku loa le afi ki lokoutou vaomatua, Ti e kai loa e ia a nea fuli i ona tafatafa.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Esekiele 22:31

E kau liligi loa loku sausau kia latou, ti e kau tutu loa latou ki le afi o loku sausau, ti e kau totogi loa alatou gaoi ki olatou ulu, e pati le Aliki, le Eteleno.