Sosue 9:18 - Tosi Tapu

¹⁸ Na leaise lotou tamate loa latou, talie na fakapapau a pule o le fakatasiga i le Eteleno, le Atua o Iselaele, ke tuku kia latou le mauli. Kae na lauveli loa le kakai katoa o Iselaele ki le kau pule.

Sosue 9:18 ပူးပေါင်းရင်းမြစ်များ

Lua tosi a Samuele 21:7

Na fakamauli loa e le sau a Mefiposete, vosa o Sonatane, vosa o Saulo, o tupu ko le fakapapau leia na fai i mua o le Eteleno e Tavite mo Sonatane, vosa o Saulo.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Ekelesiasi 5:2

Talie kapau e tupu a moe miti mei le lasi o sosa o le fakakaukau, ti e iloa le leo o le tagata valea i le lasi o ana masau.

Ekelesiasi 5:6

Talie kapau e mauke ni vaiga i le lasi o moe miti, e lotou mauke foki i le lasi o masau. Koia, i ai ki le Atua.

Ekelesiasi 9:2

Ti e tatau ki tagata fuli. Ko se ikuaga e tasi ki le tagata agatonu, mo le tagata agaveli, mo leia e agamalie, mo leia e mea, mo leia e kelekele, mo leia e fai ia ni sakilifisio ti mo leia e leaise fai ia ni sakilifisio ; e toe tatau foki mo le tagata agamalie, mo le tagata agasala, mo leia e fakapapau, ti mo leia e i i le fakapapau.

Numelo 30:3

Kapau e fai loa e se tagata se fakapapau ki le Eteleno, pe ko se fakapapau ke sai ai a ia, e leaise maumaui loa e ia lana masau, e fai loa e ia o mulimuli ki le nea leia na ulu mei lona gutu.

Tetelonome 23:22

Kae kapau e leaise ke fai ia se fakapapau, ti e leaise ke fai ia loa se agasala.

Tetelonome 23:23

Kae e ke tausi loa mo ke fakasoko ia loa le nea leia e mavae loa mei lou gutu, o mulimuli ki fakapapau ala e ke fai loa ki le Eteleno, lou Atua, i lou loto faitalisa, ti e puaki loa e lou gutu.

Tetelonome 23:24

Kapau e ke ulu loa ki le vite o lou oloi, e feala loa ke ke kai ni fuai vite o makona ; kae ke aua na ke fafao loa latou ki lau kete.

Sosue 9:17

Talie na ano loa a fanau a Iselaele ti na lotou kaku loa ki olatou kolo i le tolu o aso ; ko olatou kolo ko Kapaone, mo Kefila, mo Peeloti ti mo Kiliate-Sealimi.

Sosue 9:19

Ti na pati loa a pule fuli ki le fakatasiga katoa : Kua motou fai kia latou se fakapapau i le suafa o le Eteleno, Atua o Iselaele, ti e leaise feala ke motou fafa kia latou i le aso nei.