Sosue 9:14 - Tosi Tapu

¹⁴ Na too loa e tagata o Iselaele se koga o lalatou nea kai o kai, kae na galo loa ke lotou afa le finegalo o le Eteleno.

Sosue 9:14 ပူးပေါင်းရင်းမြစ်များ

Lua tosi a Samuele 2:1

I le oki o le nea lena, na afa loa e Tavite le finegalo o le Atua, o pati : Pe kau pale loa ki se kolo i kolo o Suta ? Na tali loa le Eteleno kiate ia : Pale. Na pati loa Tavite : E kau pale loa kifea ? Ti na tali loa le Eteleno : Ki Epelone.

Lua tosi a Samuele 5:19

Na afa loa e Tavite le finegalo o le Atua, o pati : Pe kau pale loa o taui le kau Filisitini ? Pe ke tuku mai loa latou ki oku lima ? Ti na pati loa le Eteleno kia Tavite : Pale, talie e kau tuku atu loa le kau Filisitini ki ou lima.

Esetalasi 8:21

I le ganea lena, i le kauvai o le vaitafe ko Aava, na kau fakatotonu loa se sesunio fakamamae i mua o lomatou Atua, o tupu ke kole kiate ia ke puipui lomatou fanoga, mo amatou fanau, ti mo amatou nea fuli.

Ekesote 28:30

Ti e ke fakapipiki loa ki le peketolale o le fakamaau le ulimi mo le tumini, ti e la pipiki loa i le loto o Alone, mo ka ulu loa a ia ki mua o le Eteleno. Ti e amo tuumau loa e Alone i lona loto le fakamaau o fanau a Iselaele, mo ka tuu loa a ia i mua o le Eteleno.

Numelo 27:21

E tuu loa a ia i mua o le tagata faisakilifisio ko Eleasale, leia e afa ia loa kiate ia le fakamaau a le Ulimi. Ti ko Sosue, mo fanau fuli o Iselaele mo ia, ti mo le fakatasi katoa, e mavae loa i le fakatotonu a Eleasale ti e ulu loa i lana fakatotonu.

Sakopo 1:5

Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sosue 9:13

Ko utele anei na foou i le temi na motou fakaapele ai latou ki le vino, ti ko leinei kua lotou masaesae. Kua popo omatou kofu mo omatou taka i le loa veli o le ala.

Tuifakamaau 1:1

I le oki o le mate o Sosue, na vesili loa fanau a Iselaele ki le Eteleno, o pati : Ko ai leia ia matou e tonu ke uluaki pale loa o taui le kau Kanaane ?

Tuifakamaau 20:18

Ti na tuu ake loa a fanau a Iselaele ki aluga, o ano ki Petele, ti na lotou kole loa ki le Atua, o pati : Ko ai leia ia matou e tonu ke uluaki ano loa o tau ki vosa o Pesamino ? Na tali loa le Eteleno : Ko Suta e kamata ia loa.

Tuifakamaau 20:28

ti ko Finesi, vosa o Eleasale, vosa o Alone, leia na tuu loa i mua o le Eteleno i le temi lena, - ti na lotou pati loa : Pe tonu ke motou toe ano loa o taui omatou fetaina, a vosa o Pesamino, pe tonu ke motou fakafiti ki ai ? Na tali loa le Eteleno : Kotou pale, talie e kau tuku atu loa latou ki okoutou lima i le aso apogipogi.

Uluaki tosi a Samuele 22:10

Na afa loa e Asimeleke le finegalo o le Eteleno kiate ia, ti na soli loa e ia kia Tavite ni nea kai mo le seleta a Koliate, le Filisitini.