Sosue 9:11 - Tosi Tapu

¹¹ Ti na pati mai loa omatou kau fakamatuatua mo le kakai katoa o lomatou fenua kia matou : Ke kotou too ni nea kai ki le ala ti ke kotou ano o fakafelavei kia latou. Kotou pati loa kia latou : Ko matou ko akoutou tagata fakasausau ! I le aso nei ke kotou fai se sai mo matou !

Sosue 9:11 ပူးပေါင်းရင်းမြစ်များ

Senesi 43:12

Kotou toe fakaliliu le paaga leia na kotou maua i akoutou taga, e lagi ko se faisala, ti kotou toe too fakalasi sakoutou paaga.

Lua tosi o Sau 10:5

Ti na kakau loa e le pule o le fale, mo le pule o le kolo, mo le kau matua, ti mo kovana o fanau, se tasi ke ano o pati kia Seu : Ko au tagata fakasausau matou, ti e motou fai loa a nea fuli ala e ke pati loa ki ai ; e leaise motou fakanofo loa se tasi ke sau, fai le nea leia e malie kiate koe.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Luka 9:3

Na pati loa Sesu kia latou : Aua na kotou too ki le fanoga se tokotoko, pe ko se taga, pe ko se pane, pe ko se paaga, ti aua na kotou ave ni kofu e lua.

Sosue 1:11

Ke kotou folii le nofolaga, ti ko leinei le nea ke kotou fakatotonu loa ki le kakai : Ke kotou teuteu loa ni nea kai, talie ka oki loa a aso e tolu, e kotou fakalaka loa i le Solotane leinei, o ano o too le fenua leia na soli atu kia koutou e le Eteleno, lokoutou Atua.

Sosue 9:10

ti mo le nea na fai e ia ki sau e lua o le kau Amole ala na nonofo i le fetuu esite o le Solotane : Sioni, sau o Eseponi, mo Oki, sau o Pasani leia na nofo i Asetaloti.

Sosue 9:12

Ko leinei lamatou pane ! Na vevela a ia i le temi leia na motou too ai a ia o mavae mei omatou fale, ti ko leinei kua malo a ia mo sekaseka !

Sosue 9:8

Kae na lotou pati loa kia Sosue : Ko matou ko au tagata fakasausau. Ti na pati Sosue kia latou : Ko ai ma koutou ti e kotou au meifea ?