Sosue 8:2 - Tosi Tapu

² Ke ke fai loa ki le kolo ko Ai mo lona sau le nea leia na ke fai ki le kolo ko Seliko mo lona sau. Kae ke kotou too loa ma koutou a koloa mo manu ala e kotou maua loa i ai. Ke ke teuteui se oso fakapunamauli ki le kolo mei ona muli.

Sosue 8:2 ပူးပေါင်းရင်းမြစ်များ

Lua tosi o Koloniko 13:13

Kae na fakatuu loa e Selopoamo se potu o lana solia ke mumuni o au mei muli : koia na tutuu ai loa a ia mo ana kau solia i mua o Suta, leia na maua ia loa se solia mei ona muli.

Lua tosi o Koloniko 20:22

I le temi leia na kamata ai a sua mo fakavikiviki, na fakamaveuveu loa e le Eteleno le kau solia a le kau Amone, mo le kau Moape, ti mo latou mei le mauga o Seili, ala na au ke taui a Suta. Ti na lotou lava loa.

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Taagapati 13:22

E tuku e le tagata agamalie se tofiga ki fanau o ana fanau, Kae na tanaki a koloa o le tagata agasala ki le tagata agatonu.

Taagapati 28:20

Ko le tagata agatonu e apele i tapuakina, Kae ko leia e fia mou koloa vave e leaise sala i le tautea.

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 51:12

Kotou toso ki aluga se manumanu ki paa o Papilone ! Kotou fakamakeke a nofolaga solia, Kotou fakatuu ni tagata leo, kotou fakatuu ni masele ! Talie kua fai e le Eteleno se fakapapau, Ti e fai e ia le nea leia na puaki e ia ki Papilone.

Tetelonome 2:35

Kae na tou too ia loa ma tatou a manu mo koloa ala na tou maua i olatou kolo.

Tetelonome 20:14

Kae e ke too loa kiate koe a fafine, mo toe, mo manu, mo nea fuli ala e maua loa i le kolo, io le koloa katoa o le tau, ti e ke kai loa le koloa o ou fili ala e tuku atu loa e le Eteleno lou Atua kiate koe.

Tetelonome 3:2

Na pati mai loa le Eteleno kiate au : Ke aua na ke i kiate ia ; talie e kau tuku a ia ki ou lima, a ia mo lona kakai, mo lona fenua ; ke ke fai loa kiate ia le nea leia na ke fai kia Sioni, sau o le kau Amole, leia na nofo i Eseponi.

Sosue 10:1

Na logo loa Atoni-Seteki, sau o Selusalemi, kua maua e Sosue a Ai ti kua maumaui e ia le kolo katoa, ti kua fai e ia ki Ai mo lona sau le nea leia na fai e ia ki Seliko mo lona sau. Na toe logo foki a ia kua fai e le kau Kapaone se sai mo fanau a Iselaele ti kua lotou nonofo i loto malie o Iselaele.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.

Sosue 11:14

Na too loa e fanau a Iselaele kia latou a koloa fuli ti mo manu ala na lotou maua i kolo ana, kae na lotou taai loa ki le mata o le seleta le kakai katoa, ti na leaise lotou tuku loa ke mauli se fa toka tasi.

Sosue 6:21

Na lotou tamate loa ki le seleta le kakai katoa o le kolo, a tagata mo fafine, a toe mo matua, mo pipi, mo ovi, ti mo asino.

Sosue 8:12

Na filifili loa e Sosue se kau tagata tau ko tino afe e lima, ti na fakatotonu loa e ia kia latou ke lotou ano o mumuni i le fetuu uesite o le kolo, i le vasa o Petele mo Ai.

Sosue 8:14

I le pogipogi usu, i le tio a le sau o Ai ki le kakai o Iselaele, na fakatavili loa a ia o ulu ki fafo o le kolo mo lana solia katoa, ke taui a ia. Na ano loa le sau mo lona kakai katoa, ki se ganea leia kua fakatotonu ki ai, i le fetuu o le toafa, ti na leaise iloa e ia le solia leia kua mumuni i ona muli.

Sosue 8:19

I le temi fai lena na siki ai lona lima, na malaga ake loa a tagata ala na mumuni, o ulu fakatavili mai loa mei lolatou mumuniaga ; na lotou ulu loa ki le kolo, o too a ia, ti na lotou fakatavili loa o tutu a ia ki le afi.

Sosue 8:24

I le oki loa o le tamate e Iselaele o le kakai fuli o Ai o kaku ki le fakamulimuli, i fafo o le kolo, i le toafa leia na lotou tuli ki ai le kakai o Iselaele, na toe liliu loa Iselaele ki Ai o tamate latou fuli ala na toe i ai.

Sosue 8:3

Na tuu ake loa Sosue mo ana tagata tau o pale ki Ai. Na filifili loa e ia se tino tolu afe tagata toa, ti na kakau loa e ia latou ke pale ki Ai i le pouli,

Sosue 8:7

I le temi lena, e kotou malaga loa mei lokoutou mumuniaga o too le kolo. Talie e tuku atu loa a ia kia koutou e le Eteleno, lokoutou Atua.

Sosue 8:8

Ka kotou too loa le kolo, ti ke kotou tutu loa a ia ki le afi o mulimuli ki le fakatotonu a le Eteleno. Ke kotou tokaga o mulimuli ki laku fakatotonu !

Sosue 8:9

Na kakau loa latou e Sosue ke ano, ti na lotou ano loa ki le ganea leia na tonu ke lotou mumuni ai. Na lotou nonofo loa i le vasa o Petele mo Ai, i le fetuu esite o Ai. Kae na nofo loa a Sosue i le po lena i loto malie o lana kau solia.

Sosue 9:3

I lolatou fetuu, na logo foki le kakai o Kapaone, kakai Evi, ki le nea leia na fai e Sosue ki Seliko mo Ai,