Sosue 8:19 - Tosi Tapu

¹⁹ I le temi fai lena na siki ai lona lima, na malaga ake loa a tagata ala na mumuni, o ulu fakatavili mai loa mei lolatou mumuniaga ; na lotou ulu loa ki le kolo, o too a ia, ti na lotou fakatavili loa o tutu a ia ki le afi.

Sosue 8:19 ပူးပေါင်းရင်းမြစ်များ

Sosue 8:18

Na pati loa le Eteleno kia Sosue : Ke ke siki le tao leia e ke too i lou lima o fakaaga ki Ai, talie e kau tuku loa a ia ki ou lima. Na siki loa e Sosue lana tao leia na too i lona lima o fakaaga ki Ai.

Sosue 8:2

Ke ke fai loa ki le kolo ko Ai mo lona sau le nea leia na ke fai ki le kolo ko Seliko mo lona sau. Kae ke kotou too loa ma koutou a koloa mo manu ala e kotou maua loa i ai. Ke ke teuteui se oso fakapunamauli ki le kolo mei ona muli.

Sosue 8:20

Na tagaki loa a tagata o Ai ki muli, ti na lotou tio loa ki le afi leia kua pale ake i lolatou kolo. Na leaise lotou toe maua ia loa se ganea leia ke lotou sosola ki ai, talie kua maliu ake loa le kakai o Iselaele leia na sola ki le toafa, o tau kia latou.

Tuifakamaau 20:33

Na mavae loa a tagata fuli o Iselaele i ganea ala na lotou nofo ai, ti na lotou fakaatu fuli loa ki Paale-Tamale, kae na oso fakapunamauli ake loa a tagata ala na mumuni i tafa o le kolo mei ganea ala na lotou mumuni ai, i le fetuu o Maale-Kipea.

Tuifakamaau 20:37

Na oso fakatavili ake loa a tagata ala na mumuni ki Kipea, o ulu ki loto, ti na lotou tamate loa le kakai katoa o le kolo.