Sosue 8:1 - Tosi Tapu

¹ Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Sosue 8:1 ပူးပေါင်းရင်းမြစ်များ

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Selemia 46:27

Ti ko koe, laku tagata fakasausau ko Sakopo, aua na ke i ; Aua na ke tuania, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia e popula ai ; E toe liliu mai loa Sakopo, e fiafia loa a ia i le malolo mo le fimalie, Ti e leaise toe fakamamae loa a ia e se tasi.

Selemia 49:3

Eseponi, tagi mamae, talie kua maumaui Ai ! Taineliki o Lapa, kotou fetagisi, kotou kofu ni taga, Kotou tagi laulau, ti kotou makape saele i paa o le kolo ! Talie e ano Malekome ki le popula, Mo ona kau pelepitelo, ti mo ona kau pule.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Mateo 8:26

Na pati loa a ia kia latou : Kolea e kotou i ai, kakai tui gaegae ? Na tuu loa a ia ki aluga, o feau le matagi mo le tai, ti na tokamalie lasi loa.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !

Tetelonome 7:18

Ke aua na ke i kia latou. Kae ke ke manatui le nea leia na fai e le Eteleno, lou Atua, kia Falaone mo Esipito katoa,

Tetelonome 7:21

Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 10:7

Na pale loa Sosue i Kilikale mo lana kau tau ti mo ana tagata toa fuli.

Sosue 10:8

Na pati loa le Eteleno kia Sosue : Ke aua na ke i kia latou, talie e kau tuku loa latou ki ou lima, ti e leaise toe tuu loa se toka tasi o latou i ou mua.

Sosue 2:24

Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?