Sosue 7:9 - Tosi Tapu

⁹ E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?

Sosue 7:9 ပူးပေါင်းရင်းမြစ်များ

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 48:10

Ei Atua, e motou manatu ki lou agamalie I loto malie o lou fale tapu.

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Pesalemo 83:4

E lotou fai ki lou kakai ni fakatuutuu ala kua apele i le kaka, Ti e lotou fakakaukau veli fakatasi ki le kakai leia e ke malui.

Pesalemo 83:5

E lotou pati : Kotou au, ke tou tamate latou i loto malie o atu puleaga, Ti ke aua na toe manatu loa ki le igoa o Iselaele !

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Numelo 14:13

Na pati loa Moisese ki le Eteleno : E logo loa ki ai le kau Esipito, leia na iloa ia ko lou lima atamai leia na fakamavae ia le kakai leinei mei lolatou fenua,

Soane 12:28

Tamana, fakakololia lou suafa ! Ti na au loa se leo mei le lagi : Kua kau fakakololia a ia, ti e kau toe fakakololia loa a ia.

Tetelonome 9:28

E leaise tonu ke pati loa le kakai o le fenua leia na ke fakamavae matou mei ai : E tupu kua leaise mafai e le Eteleno le fakaulu o le kakai lena ki le fenua leia na fakapapau e ia ke soli kia latou, ti e tupu na vesia le Eteleno kia latou, o fakamavae e ia latou ke maumaui latou i le toafa.

Sosue 7:10

Na pati loa le Eteleno kia Sosue : Tuu ki aluga ! Kolea na ke fakatuu ai ou mata ki le kele ?

Sosue 7:8

Ei Aliki, kolea loa le nea ke kau fakasa ia ki fanau a Iselaele, i le temi leinei kua lotou sosola ai i mua o olatou fili ?

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.