Sosue 7:7 - Tosi Tapu

⁷ Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !

Sosue 7:7 ပူးပေါင်းရင်းမြစ်များ

Lua tosi o Sau 3:10

Na pati loa le sau o Iselaele : Oi ! na fakatasii e le Eteleno a sau anei e toka tolu, o tupu ke tuku e ia latou ki lima o Moape.

Pesalemo 116:11

Na kau pati i loku mamae : e kaka tagata fuli.

Ekesote 16:3

Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Numelo 14:16

Na leaise mafai loa e le Eteleno ke ave e ia le kakai leinei ki le fenua leia na fakapapau e ia ke soli kiate ia : koia leia kua tamate ai e ia a ia i le toafa.

Numelo 14:3

Kolea kua ave ai matou e le Eteleno ki le fenua leinei, ke motou mamate ai i le tau, ti ke ave loa omatou avaga mo omatou fanau o fakapopulai ! Pe leaise malie ake kia matou ke motou toe liliu ki Esipito ?

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Epelo 12:5

Ti kua kotou galoi le akonaki leia kua fai atu kia koutou ofaipe ki ni vosa : Loku vosa, aua na ke fakanoai le akonaki mei le Aliki, Ti aua na ke loto gaegae mo ka valoki e ia a koe ;

Sosue 7:6

Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Sosue 7:8

Ei Aliki, kolea loa le nea ke kau fakasa ia ki fanau a Iselaele, i le temi leinei kua lotou sosola ai i mua o olatou fili ?

Tuifakamaau 20:23

Ti na toe loto makeke loa le kakai, a tagata o Iselaele, ti na lotou toe fakatuutuu tau loa i le ganea leia na lotou nofo ai i le uluaki aso.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.