Sosue 7:6 - Tosi Tapu

⁶ Na saei loa e Sosue lona kofu, ti na tutuli loa a ia ki lalo o fakatau ona mata ki le kele i mua o le aleka o le Eteleno, o kaku ki le afiafi, a ia mo le kau fakamatuatua o Iselaele. Ti na lotou laku foki mo le efu ki olatou ulu.

Sosue 7:6 ပူးပေါင်းရင်းမြစ်များ

Senesi 37:29

Na toe liliu loa Lupeni ki le sosoni ; ti ko leinei, kua puli Sosefo i le sosoni. Ti na sae loa e ia ona kofu.

Senesi 37:34

Ti na sae loa e Sakopo ona kofu, kae tui loa e ia se taga, ti na tagi loa a ia ki lona vosa i se temi fualoa ai.

Lua tosi a Samuele 1:11

Na sae loa e Tavite ona kofu, ti na toe fai fenaaki loa a tagata fuli ala na nonofo mo ia.

Lua tosi a Samuele 1:12

Na lotou putu loa, mo fetagisi, ti mo sesunio o kaku ki le afiafi, o tupu ko Saulo mo Sonatane, lona vosa, mo le kakai o le Eteleno, mo le fale o Iselaele, talie kua lotou mamate i le seleta.

Lua tosi a Samuele 1:2

I le tolu o aso, na kaku mai loa se tagata mei le nofolaga tau o Saulo, kua masaesae ona teu ti kua kelekele lona fa ulu. I lana kaku ki mua o Tavite, na tutuli loa a ia ki le kele i ona mua.

Lua tosi a Samuele 12:16

Na kole loa e Tavite ki le Atua ti mo sesunio o uiga mo le fanau ; ti ka ulu loa a ia ki lona fale, na moe loa a ia i le kele, i le po katoa.

Lua tosi a Samuele 13:19

Na laku loa e Tamale ni mugalafu ki lona fa ulu ti na sae loa e ia lona kofu lanulanu ; na teki loa e ia ona lima ki lona fa ulu ti na ano loa a ia mo tagi leo lasi.

Lua tosi a Samuele 13:31

Na tuu ake loa le sau ki aluga, o sae ona kofu, ti na moe loa a ia ki le kele ; ti na nonofo loa ana tagata fakasausau fuli mo ia, ti na lotou sae foki olatou teu.

Lua tosi o Sau 22:11

I le logo loa a le sau ki folafola o le tosi o le lao, na sae loa e ia ona kofu.

Lua tosi o Koloniko 34:19

I le logo loa a le sau ki folafola o le lao, na sae loa e ia ona kofu.

Esetalasi 10:1

I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

Neemia 9:1

I le aso kau lua tupu fa o le masina lena, na fakatasi loa fanau a Iselaele, ti na lotou tui loa ni taga mo pani loa le efu ki se sesunio.

Esitele 4:1

I le iloa e Maletoseo le nea katoa leia kua soko, na sae loa e ia ona kofu, kae tui loa e ia se taga, ti na laku loa e ia se mugalafu ki lona ulu mo lona tino katoa. Ti na ano loa a ia i loto malie o le kolo, o tagi mo kalaga i le lasi o lona mamae,

Esitele 4:3

I le fenua taki tasi, mo ganea fuli ala kua kaku ki ai le fakatotonu a le sau mo lana lao, na i ai loa se mamae lasi i le kakai Sutea ; na lotou sesunio, mo fetagisi, mo tagi laulau, ti na momoe se toka api ki le taga mo le mugalafu.

Sopo 1:20

Ti na tuu loa a Sopo ki aluga, o sae lona taupulupulu, mo tele lona ulu ; ti na fakamapee loa a ia ki le kele, ti na su loa a ia,

Sopo 2:12

I lalatou tio kia Sopo mei mamao, na leaise lotou iloa a ia, ti na lotou siki loa olatou leo ki aluga o tagi. Na lotou sae loa olatou taupulupulu, ti na lotou laku loa le efu ki aluga o olatou ulu.

Sopo 42:6

Koia kua kau iloa ai laku sala, ti kua kau fakasemala ai, O tonatona ki le efu mo le mugalafu.

Tagi laulau a Selemia 2:10

Kua tonatona le kau matua o le taine o Sione i le kele, kua lotou fakalologo ; Kua lotou pani olatou ulu ki le efu, Kua lotou tui ni taga ; Kua tuku e taineliki o Selusalemi olatou ulu ke vilo ki le kele.

Numelo 14:6

Ti ko Sosue, vosa o Nune, mo Kalepo, vosa o Sefune, ia latou fuli ala na tio i le fenua, na sae ia loa ola kofu,

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Gaoi 14:14

I le iloa e le sa apositolo ko Palenapa mo Paulo le nea lena, na la sae loa ola kofu, kae la oso loa ki lotomalie o le kakai, o kalaga :

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !

Apokalipisi 18:19

Ti na lotou laku loa le efu ki olatou ulu, o tagi, mo lauga, ti na lotou kalaga loa, o pati : Malaia ! Malaia ! Ko le kolo lasi, leia na mou koloa ai latou fuli ala na maua ia ni vaka i le tai, o tupu ko le lasi o lana fai fakatau, kua maumaui loa a ia i se ola fai e tasi !

Tuifakamaau 11:35

I lana tio ki lona taine, na sae loa e ia lona kofu, o pati : Oi ! ei loku taine, e ke tuku au ki le malaia, ko koe totonu leia e fakatupu ia loku mamae ! Na kau fakamavaa loku gutu o lasi i mua o le Eteleno, ti kua leaise kau toe mafai ia ke toe liliu ki muli.

Tuifakamaau 20:23

Ti na toe loto makeke loa le kakai, a tagata o Iselaele, ti na lotou toe fakatuutuu tau loa i le ganea leia na lotou nofo ai i le uluaki aso.

Tuifakamaau 20:26

Na pale loa a fanau fuli o Iselaele mo le kakai katoa ki Petele. Ti na lotou fetagisi loa ti na lotou nonofo loa i ai i mua o le Eteleno, ti na lotou sesunio loa i le aso lena o kaku ki le afiafi, ti na lotou momoli loa ki le Eteleno ni failaulau mo ni sakilifisio fakafetai.

Tuifakamaau 21:2

Na ano loa le kakai ki Petele, ti na lotou nonofo loa i ai i mua o le Eteleno o kaku ki le afiafi. Na lotou siki loa olatou leo, o tagi mamae,

Uluaki tosi a Samuele 4:12

Na makape loa se tagata o Pesamino mei le malae tau, o kaku ki Silo i le aso lena, kua masaesae ona kofu ti kua pani kele lona ulu.