Sosue 7:26 - Tosi Tapu

²⁶ Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.

Sosue 7:26 ပူးပေါင်းရင်းမြစ်များ

Lua tosi a Samuele 18:17

Na lotou too loa Apesalone, ti na lotou ti loa a ia ki se fa popoko lasi i le vaomatua, ti na lotou laku loa ni fatu i aluga. Na sola loa Iselaele katoa, o tasi ano ki lona falela.

Lua tosi a Samuele 21:14

Na tanu loa a ivi o Saulo mo lona vosa i le fenua o Pesamino, i Tesela, i le tanuma o Kise, tamana o Saulo. Ti na fai loa a nea fuli ala na fakatotonu e le sau. I le oki o le nea lena, na fimalie loa le Atua ki le fenua.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Esetalasi 10:14

Koia e tonu ke nonofo omatou pule o fakalogo ki le fakatasiga katoa ; ti ko latou fuli i omatou kolo, ala na avaga mo ni fafine pagani, ke au loa i ni temi ala kua fakatuutuu ki ai mo le kau matua ti mo le kau tui fakamaau o olatou kolo, o kaku ki le maliu kese o le sausau o lotatou Atua meia tatou i le nea lena.

Pesalemo 85:4

Kua ke too lou sausau katoa, ti kua ke tafoki mei le ulaula o lou sausau.

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Tagi laulau a Selemia 3:53

Na lotou loto ke fakaoki loku mauli i se popoko, Ti na lotou tuki au ki ni fatu.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Oseo 2:17

I ai, e kau soli loa kiate ia ona faisaga vite mo le vaivailiua o Akole, ofaipe se matapa o le amanaki malie ; i ai, e sua loa a ia ofaipe lona temi ikiiki, ofaipe le temi leia na pale mai ai a ia mei le fenua o Esipito.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Soele 2:18

E finenonofo lasi le Eteleno ki lona fenua, Ti e fakamauli e ia lona kakai.

Sonasi 1:15

Ti na lotou too loa Sonasi, ti na lotou ti loa a ia ki le tai. Ti na malu loa le itaita o le tai.

Sakalia 6:8

Ti na fetapa mai loa a ia kiate au, o pati : Tio, ko latou ala kua ano ki le fenua o le potu noleto e fakavilo ia loa loku sausau ki le fenua o le noleto.

Numelo 25:8

Na mulii loa e ia le tagata Iselaele o kaku ki lona falela, ti na tooi loa e ia laua toka lua ki le tao, le tagata Iselaele mo le fafine, i le lalo manava. Ti na taofi ai loa le malaia i fanau a Iselaele.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Sosue 10:27

I le vilo o le laa, na fakatotonu loa e Sosue ke tatala a tino mei laakau, ti na ti loa latou ki le ana leia na lotou mumuni ai, ti na tapono loa le uluaga o le ana ki ni fatu lalasi, ala koi tuku ai o kaku mai ki le aso nei.

Sosue 7:24

Na too loa e Sosue mo fanau fuli o Iselaele a Akane, vosa o Selake, mo le paaga, mo le taupulupulu, mo le potu aulo, mo ona vosa, mo ona taineliki, mo ana pipi tagata, mo ana asino, mo lana kau ovi ti mo lana kau koti, mo lona falela, ti mo nea fuli na maua e ia. Na lotou ave loa latou ki le vaivailiua o Akolo.

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.