Sosue 7:25 - Tosi Tapu

²⁵ Na pati loa Sosue : Na ke fakatupu ia lomatou malaia ! E fakamalaia loa a koe e le Eteleno i le aso nei. Ti na tuki fatui loa a ia e Iselaele katoa. Ti na lotou toe tamate fenaaki loa lona famili katoa, kae na lotou tutu loa ana nea fuli.

Sosue 7:25 ပူးပေါင်းရင်းမြစ်များ

Senesi 34:30

Ti na pati loa Sakopo kia Simeone mo Levi : Kua kolua fai se nea fakamamae kiate au, talie kua kau fakalialia ki mata o le kakai o le fenua leinei, ki le kau Kanaane mo le kau Felesi. E kau fakatasi loa a kakai ana kiate au. E lotou au loa o tamate au mo loku famili, talie e toka teiki fua aku tagata.

Senesi 38:24

Na sili loa ki ai ni masina e tolu, ti na fakasa loa kia Suta : Kua faiaga lou fugao ko Tamale, ti ko leinei kua tinae a ia i lana faiaga. Ti na pati loa Suta : Kotou aumai a ia ke tutu mauli !

Uluaki tosi o Koloniko 2:7

Ko vosa o Kalemi : Ko Akane, leia na mamae ai Iselaele talie na leaise agatonu a ia ki nea taputapu.

Taagapati 1:19

E soko le nea lena ki tagata fuli e manumanu koloa : E fakatupu e le manumanu le puli o latou ala e tuku ia latou ki ai.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Levitiko 20:14

Kapau e avaga loa se tagata mo se taine mo le tinana, ko se nea veli lasi a ia : e tutu loa latou i le afi, le tagata mo fafine toka lua, o tupu ke aua na toe fai loa le veli lena i loto malie o koutou.

Levitiko 20:2

E ke pati loa ki fanau a Iselaele : kapau e soli loa e se tagata o fanau a Iselaele pe ko se matapule leia e mauli i Iselaele se tasi o ana fanau kia Moloke, e tautea loa le tagata lena ki le mate : e tuki fatui loa a ia e le kakai o le fenua.

Levitiko 21:9

Kapau e faiaga loa se taine o se tagata faisakilifisio, e fakamatagafua loa e le taine lena a ia totonu, ti e toe fakamatagafua e ia mo lona tamana : e tutu loa a ia i le afi.

Levitiko 24:14

Fakamavae mei le nofolaga le tagata leia na lau veli. Ti ko latou fuli ala na logo kiate ia ke lotou teki loa olatou lima ki lona ulu, ti ke tuki fatui loa a ia e le kakai katoa.

Kalate 5:12

Amusia ake ke tuuti latou ala e fakatupu maveuveu ia koutou !

Tetelonome 13:10

ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:11

E fenaaki loa, o tupu ke logo ti ke i a Iselaele katoa, ti ke aua na toe fai loa se agaveli fenaaki iate koe.

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 21:21

Ti e tuki fatui loa a ia ke mate e tagata fuli o lona kolo. E ke sau loa i ai le veli mei loto malie o ou, o tupu ke logo Iselaele katoa ti ke i a ia.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Sosue 7:15

Ti ko leia na maua loa na too ia a nea ala na fakatapui, e tutu loa i le afi, a ia mo nea fuli na maua e ia, talie na maumaui e ia le fakapapau a le Eteleno, ti na fai e ia se agasala i Iselaele.

Uluaki tosi a Samuele 14:29

Ti na pati loa Sonatane : Kua fakatupu e loku tamana le mamae o le kakai ; kotou tio ki le malama o oku mata, o tupu ko laku kai se ga meli ikiiki fua.