Sosue 7:24 - Tosi Tapu

²⁴ Na too loa e Sosue mo fanau fuli o Iselaele a Akane, vosa o Selake, mo le paaga, mo le taupulupulu, mo le potu aulo, mo ona vosa, mo ona taineliki, mo ana pipi tagata, mo ana asino, mo lana kau ovi ti mo lana kau koti, mo lona falela, ti mo nea fuli na maua e ia. Na lotou ave loa latou ki le vaivailiua o Akolo.

Sosue 7:24 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Sopo 20:15

Na folo e ia ni koloa, e luluai loa e ia latou ; E kapu loa latou e le Atua mei lona manava.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Ekelesiasi 5:13

E puli noa lona koloa i se tutamaki ; ti na tupu ake sona vosa, e leaise koi maua fua se nea i ona lima.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Sosue 15:7

na toe pale loa a ia i Tepile, i le vaivailiua o Akole, o ano fakaaga ki le noleto o Kilikale, leia na tuu i mua o le paleaga o Atumimi i le saute o le liua. Na fakalaka loa a ia i tafa o vai o Ene-Semesi, o ano loa o kaku ki Ene-Lokeli.

Sosue 22:20

I le aso leia na fai ai e Akane, vosa o Sela, se sala lasi o uiga mo koloa ala na tapu lona too, na vilo le sausau o le Eteleno ki le kakai katoa o Iselaele. Talie na leaise mate loa Akane toka tasi i lana sala !

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Sosue 6:21

Na lotou tamate loa ki le seleta le kakai katoa o le kolo, a tagata mo fafine, a toe mo matua, mo pipi, mo ovi, ti mo asino.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 7:23

Na lotou too loa a nea fuli mei loto o le falela, o lotou ave loa latou kia Sosue mo fanau fuli o Iselaele. Ti na lotou tuku loa a nea fuli ana ki mua o le Eteleno.

Sosue 7:26

Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.