Sosue 7:21 - Tosi Tapu

²¹ Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Sosue 7:21 ပူးပေါင်းရင်းမြစ်များ

Senesi 10:10

Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

Senesi 3:6

Ti na tio loa le fafine na malie le laakau ki le kai, mo fulumalie ki le mata, ti mo mauiga ki le fakamavaa o le atamai. Na taui loa e ia se fa fuai laakau, o kai, ti na toe soli foki e ia ki lona avaga, leia na tuu i ona tafa, ti na kai loa a ia ki ai.

Senesi 34:27

Na oso ake loa a vosa o Sakopo ki mate, o tatala olatou teu, ti na lotou too loa a koloa o le kolo, o tupu ko le pikoi leia na fai ki lolatou tuagaane.

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Lua tosi o Sau 7:8

I le kaku loa a le kau kilia ki le nofolaga tau, na lotou ulu loa ki se falela, o lotou kakai mo inu loa, ti na lotou ave loa se paaga, mo se aulo ti mo ni nea lava, ala na lotou ano loa o fufu. Na lotou toe liliu mai loa, o toe ulu ki se tasi ake falela, ti na lotou toe ave foki ni iki a nea o fufu.

Sopo 31:1

Na kau fai se fakapapau mo oku mata, E leaise kau tio manumanu loa ki se taine taupoou.

Pesalemo 119:37

Fulusi oku mata ke aua na tio ki nea vaiga ! Tuku ke kau mauli i lou ala !

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Taagapati 1:19

E soko le nea lena ki tagata fuli e manumanu koloa : E fakatupu e le manumanu le puli o latou ala e tuku ia latou ki ai.

Taagapati 23:31

Aua na ke tio ki le vino leia e kula fulumalie, Leia e fai ia ni fuai kasoa i le ipu Ti e faigaofie lona inu.

Taagapati 28:22

E faiga se tagata manumanu koloa ke mou koloa vave, Kae e leaise iloa e ia ko le pakupaku leia ka kaku loa kiate ia.

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Apakuki 2:9

Malaia ki leia e tanaki ia ki lona fale ni totogi kaia, O tupu ke fakatuu lona ofaga i se ganea taualuga, Ke sao ai i le lima o le malaia !

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Luka 12:2

E leaise nea leia e munia e leaise tonu ke sa loa, ti e leaise nea leia e fakapulipuli e leaise tonu ke iloa loa.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Efeso 5:5

Talie, ke kotou iloa, e leaise tagata fai feauaki, mo se tagata fakakelekele, mo se tagata manumanu, (ko lona uiga e tausi taulaatua) e maua ia le puleaga o Kilisito mo le Atua.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.

Sosue 7:20

Na tali loa Akane kia Sosue : E maoki, ko au leia na fai ia le agasala ki le Eteleno, le Atua o Iselaele. Ko leinei katoa le nea leia na kau fai :

Sosue 7:22

Na kakau loa e Sosue ni tagata ke makape ki le falela o Akane. Na lotou maua loa a nea na tanu maoki i le falela o Akane, ti mo le paaga na tautafa ki lalo.

Lua tosi a Petelo 2:15

Kua lotou tiaki le ala totonu, ti kua lotou sese ; kua lotou muli i le ala o Palaame, ko le vosa o Peole, leia na manako ki le totogi o le agaveli,