Sosue 7:20 - Tosi Tapu

²⁰ Na tali loa Akane kia Sosue : E maoki, ko au leia na fai ia le agasala ki le Eteleno, le Atua o Iselaele. Ko leinei katoa le nea leia na kau fai :

Sosue 7:20 ပူးပေါင်းရင်းမြစ်များ

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Sopo 7:20

Kapau kua kau agasala, ti kolea leia na kau fai kiate koe, tagata leoleo o tagata ? Kolea e ke fakatusitusi ai kiate au au gasau ? Kolea kua kau liliu ai ko se kavega kiate koe ?

Pesalemo 38:18

Talie kua vave fua loku siga, Ti e tuu mau loku mamae i oku mua.

Ekesote 10:16

I le nea lena, na kalagai loa e Falaone a Moisese mo Alone, o pati kia laua : Kua kau agasala ki le Eteleno, lokoutou Atua, ti mo koulua.

Ekesote 9:27

Na kalagai loa e Falaone a Moisese mo Alone, o pati kia laua : I le faiaga loa leinei, kua kau agasala ; E maokioki le Eteleno, kae kua motou agasala, au mo loku kakai.

Numelo 22:34

Na pati loa Palaame ki le aselo a le Eteleno : Kua kau agasala, talie na leaise kau iloa na ke tuu i oku mua i le ala ; ti ko leinei, kapau e kau fai se nea veli ki ou mata, ti e kau toe liliu loa ki loku kaiga.

Mateo 26:9

Na feala ke fakatau le kaloni lena ki se paaga lasi, ti ke soli loa a ia ki le kau mativa.

Mateo 27:4

o pati : Kua kau agasala i le fakatau o le toto mea. Na lotou tali loa : Kolea lona aoga mai kia matou ? Ko le nea fai lena a au toka tasi !

Sosue 7:19

Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 15:30

Na toe pati loa Saulo : Kua kau agasala ! I le lakaga nei, e kau kole atu kiate koe, fakaapaapa mai kiate au i mua o le kau matua o loku kakai mo mua o Iselaele : toe au mo au, ti e kau atolasio loa ki le Eteleno, lou Atua.