Sosue 7:2 - Tosi Tapu

² Na kakau loa e Sosue mei Seliko ni tagata ke ano ki Ai, leia na tuu i tafa o Pete-Aveni, i le fetuu esite o Petele. Na pati loa a ia kia latou : Kotou pale, ti kotou sivisivi le fenua. Na pale loa a tagata ana o sivisivi le kolo ko Ai.

Sosue 7:2 ပူးပေါင်းရင်းမြစ်များ

Senesi 12:8

Ti na siki loa a ia i lena o ano ki le mauga, i le potu esite o Petele, ti na fakatuu loa e ia ona falela i le vasa o Petele i le potu esite mo Ai i le potu uesite. Na toe fakatuu loa e ia i lena se tasi aletale ki le Eteleno, ti na faikole loa a ia i le suafa o le Eteleno.

Senesi 28:19

Ti na tuku loa e ia ki le ganea lena le igoa ko Petele ; kae na igoa le kolo i mua ko Lusi.

Uluaki tosi o Sau 12:29

Na fakatuu loa e ia le tasi a pipi i Petele, ti na tuku loa e ia leia ake a pipi i Tane.

Neemia 11:31

Na nofo loa a vosa o Pesamino i Kepa, mo Mikemasi, mo Aisa, mo Petele mo ona tafatafa,

Taagapati 20:18

E fakamakeke fakatuutuu i le fakakaukau ; I mua o le fai o le tau, fakakaukau malie.

Taagapati 24:6

Talie e ke fai loa le tau i le fakakaukau poto, Ti e maua le fakamauli i le lasi o le kau fakakaukau.

Esaia 10:28

Kua saele le fili ki Aiate, kua fakalaka a ia i Mikeloni, Kua tuku e ia ana kavega i Mikemasi.

Selemia 49:3

Eseponi, tagi mamae, talie kua maumaui Ai ! Taineliki o Lapa, kotou fetagisi, kotou kofu ni taga, Kotou tagi laulau, ti kotou makape saele i paa o le kolo ! Talie e ano Malekome ki le popula, Mo ona kau pelepitelo, ti mo ona kau pule.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Mateo 10:16

Ko leinei, e kau kakau koutou ofaipe ni ovi ki loto malie o ni lupo. Kotou poto ofaipe ni gata, ti kotou agamalie ofaipe ni lupe tea.

Efeso 5:15

Koia kotou tokaga ai ki lakoutou saele, ke aua na kotou faipe se kau vale, kae ke kotou faipe se kau poto ;

Sosue 12:9

Ko le sau o Seliko, tasi ; ko le sau o Ai, i tafa o Petele, tasi ;

Sosue 18:12

I le fetuu noleto, na natu lolatou koiga i le Solotane, o fano i le fetuu noleto o Seliko, o pale ki le mauga i le uesite, o kaku ki le toafa o Pete-Aveni.

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 7:3

Na lotou toe liliu ake loa kia Sosue o pati kiate ia : Ke aua na pale loa le kakai katoa ! Ke pale fai ni tino afe e lua pe tolu, ti e lotou tamate loa a Ai ! Ke aua na tuku ke pale le kakai katoa, talie e toka teiki fua le fili.

Uluaki tosi a Samuele 13:5

Na fakatasi loa le kau Filisitini ke taui a Iselaele. Na lotou maua ni saliote e afe mo ni tagata ekeosi e ono afe, ti na toka api ai le kakai lena pe le one i le mata tai. Na lotou au loa o nonofo i Mikimase, i le potu esite o Pete-Aveni.

Uluaki tosi a Samuele 14:23

Na saofaki loa e le Eteleno a Iselaele i le aso lena. Ti na soko atu loa le tau o kaku ki Pete-Aveni.

Uluaki tosi a Samuele 30:27

Na toe fai foki e ia ni nea alofa ki le kau matua o Petele, mo latou o Lamoti i le potu saute, mo latou o Satili,