Sosue 7:19 - Tosi Tapu

¹⁹ Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !

Sosue 7:19 ပူးပေါင်းရင်းမြစ်များ

Lua tosi o Sau 20:15

Ti na toe pati loa Esaia : Kolea le nea leia na lotou tio ki ai i lou fale ? Na tali loa Esekiasi : Na lotou tio ki nea fuli o loku fale : na leaise nea fua i oku koloa na leaise kau fakasa kia latou.

Lua tosi o Koloniko 30:22

Na masau loa a Esekiasi ki loto o le kau Levi fuli, ala na fakasa ia se atamai lasi ki le tausi o le Eteleno. Na lotou kai loa a vikitima i aso e fitu, o lotou momoli ni sakilifisio fakafetai, ti mo fakavikiviki ki le Eteleno, le Atua o olatou tamana.

Pesalemo 32:5

Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 51:3

Ei Atua ! Alofa mai kiate au i lou agamalie ; Soloi aku agasala o mulimuli ki lou manava alofa lasi ;

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 13:12

E kau fakaliliu loa a tagata ke tasitasiga ofaipe le aulo mea, Ti e kau fakaliliu loa latou ke tasitasiga ake i le aulo o Ofile.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Luka 17:18

Pe gato fai ki le matapule leinei kua toe liliu mai o fakakololia ki le Atua ?

Soane 9:24

Na toe kalagai loa e le kau faliseo le tagata leia na kivi, o pati kiate ia : Tuku ki le Atua le kololia ; e motou iloa ko se tagata agasala le tagata lena.

Loma 10:10

Talie i le tui i le loto e kaku ai ki le faitotonu, ti i le fakasa i le gutu e kaku ai ki le mauli, ofaipe lona fakasa e le Tosi :

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Tito 2:2

Fakasa ki le kau matua, e tonu ke lotou tokaga, mo agatonu, mo fakapotopoto, ti mo saosaoa i le tui, mo le alofa, ti mo le kataki fualoa.

Sakopo 1:20

talie e leaise fakasoko e le ita o le tagata le faitotonu o le Atua.

Sosue 7:20

Na tali loa Akane kia Sosue : E maoki, ko au leia na fai ia le agasala ki le Eteleno, le Atua o Iselaele. Ko leinei katoa le nea leia na kau fai :

Apokalipisi 16:9

Ti na tutu loa a tagata e se vevela lasi, ti na lotou lauveli loa ki le suafa o le Atua, leia e pule ki malaia ana, kae na leaise lotou fakasemala o fakakololia ki le Atua.

Uluaki tosi a Samuele 14:43

Na pati loa Saulo kia Sonatane : Fakasa mai le nea leia kua ke fai. Na fakasa loa a ia e Sonatane kiate ia, o pati : Na kau kai se ga meli ikiiki, ki le tumutumu o le laakau leia na kau too i loku lima : ko leinei au, e kau mate loa.

Uluaki tosi a Samuele 6:5

Kotou fai ni fakatata o okoutou masaki mo ni fakatata o okoutou kimoa ala e maumaui ia le fenua, ti ke kotou tuku le fakakololia ki le Atua o Iselaele : E lagi fakamaamaa loa e ia lona lima kia koutou, mo okoutou atua, mo lokoutou fenua.