Sosue 7:16 - Tosi Tapu

¹⁶ Na tuu ake loa Sosue i le mafoata, ti na fakafeofi ake loa e ia ki mua o le Eteleno a fanau a Iselaele i faasiga, ti na filifili loa e ia le faasiga o Suta.

Sosue 7:16 ပူးပေါင်းရင်းမြစ်များ

Senesi 22:3

Na tuu ake loa Apalaamo i le pogipogi usu, o teuteui lana asino, ti na too loa e ia ni tagata fakasausau e toka lua ke ano mo ia, ti mo lona vosa ko Isaake. Na taisi loa e ia se fafie ki le sakilifisio, ti na ano loa a ia ki le ganea leia na pati ki ai le Atua.

Pesalemo 119:60

E kau fakavilivili, e leaise kau toe talitali O fai au fakatotonu.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Sosue 3:1

Na tuu ake loa Sosue i le mafoata, a ia mo fanau fuli o Iselaele. Ti na lotou mavae loa i Sitime, o lotou ano loa o kaku ki le Solotane. Ti na lotou nonofo loa i ai i le pouli, i mua o le fakalaka i le Solotane.

Sosue 7:15

Ti ko leia na maua loa na too ia a nea ala na fakatapui, e tutu loa i le afi, a ia mo nea fuli na maua e ia, talie na maumaui e ia le fakapapau a le Eteleno, ti na fai e ia se agasala i Iselaele.

Sosue 7:17

Na fakafeofi ake loa a famili o Suta ti na filifili loa e ia le famili o Selake. Na fakafeofi ake loa le famili o Selake i tagata, ti na filifili loa e ia Sapeti.

Tuifakamaau 20:19

I le usu, na tuu ake loa a fanau a Iselaele ki aluga o pale, ti na lotou fakatuu loa lolatou nofolaga tau i mua o Kipea.