Sosue 7:15 - Tosi Tapu

¹⁵ Ti ko leia na maua loa na too ia a nea ala na fakatapui, e tutu loa i le afi, a ia mo nea fuli na maua e ia, talie na maumaui e ia le fakapapau a le Eteleno, ti na fai e ia se agasala i Iselaele.

Sosue 7:15 ပူးပေါင်းရင်းမြစ်များ

Senesi 34:7

Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Lua tosi a Samuele 13:13

E kau ano loa kifea mo loku luma ? Ti ko koe, e ke liliu loa ko se tagata fakalialia ki Iselaele. I le lakaga nei e kau kole atu kiate koe, masau ki le sau ti e leaise fakafesagai loa a ia ke kau liliu ko lau avaga.

Sosue 7:11

Kua agasala a fanau a Iselaele : Kua lotou maumaui le fakapapau leia na kau tuku kia latou ; io, kua lotou too ni nea i nea ala na kau tapui kia latou, kua lotou kaia a nea ana, ti kua lotou fufu latou i loto malie o alatou kavega.

Sosue 7:16

Na tuu ake loa Sosue i le mafoata, ti na fakafeofi ake loa e ia ki mua o le Eteleno a fanau a Iselaele i faasiga, ti na filifili loa e ia le faasiga o Suta.

Tuifakamaau 20:10

E tou filifili loa i faasiga fuli o Iselaele ni tagata e kau agafulu i le tino lelau, e kau lelau i le tino afe, e afe i le tino agafulu afe. E lotou ano loa o afa ni nea kai ki kau solia ala e ano loa o tau ki Kipea ke tautea ai le kolo lena o tupu ko le aga fakalialia leia na fai e lona kakai i Iselaele.

Tuifakamaau 20:5

Na tutuu ake loa ni tagata o Kipea ke fai kiate au se nea fakalumaluma, ti na lotou takatakai loa i le pouli le fale leia na kau nofo ai. Ko au leia na lotou loto ke tamate, kae na lotou fakavalevale loa ki loku avaga, o kaku ki lona mate.

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.

Uluaki tosi a Samuele 26:21

Na pati loa Saulo : Kua kau agasala ; toe liliu mai, ei loku vosa ko Tavite, talie e leaise kau toe fai loa kiate koe se nea veli, o tupu na mauiga loku mauli ki ou mata i le aso nei. Na kau fai nea ofaipe se tagata valea, ti na kau fai se sala lasi.