Sosue 7:12 - Tosi Tapu

¹² Kapau ko lena, ti e leaise mafai loa ke tuu a fanau a Iselaele i mua o olatou fili ; e lotou sosola loa i mua o olatou fili, talie e lotou maumau tapu. E leaise kau toe kau loa mo koutou, mo kapau e leaise kotou maumaui loa a nea ala na kau tapui atu kia koutou.

Sosue 7:12 ပူးပေါင်းရင်းမြစ်များ

Pesalemo 44:10

Kae ko leinei, e ke tekei matou, e ke fakaapele matou i le luma, E leaise koi ke ano o tau mo amatou kau solia.

Pesalemo 60:10

Ko Moape ko le fa tane leia e kau maanu ai ; E kau ti loku fa taka ki Etome ; Fenua o le kau Filisitini, ke ke fai ni kalaga fakafiafia kiate au !

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 59:2

Kae ko akoutou agatuu ala e fakatuu ia se paa ia koutou mo lokoutou Atua ; Ko akoutou agasala ala e fufu ia ona mata kia koutou, Ti e tapono ia a ia ke fakalogo kia koutou.

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Selemia 6:8

Ei Selusalemi, tali le akonaki, Ke aua na kau fakamamao iate koe, Ke aua na kau fakaliliu a koe ko se toafa, Ko se fenua lavaki !

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Numelo 14:39

Na fakasa loa e Moisese a folafola ana ki fanau fuli o Iselaele, ti na mamae lasi ai le kakai i ai.

Numelo 14:42

Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Numelo 14:43

Talie ko le kau Amaleke mo le kau Kanaane e nonofo i lena, i okoutou mua ; e kotou mamate loa i le tau talie kua kotou titua ki le Eteleno, ti e leaise ano loa le Eteleno mo koutou.

Numelo 14:45

Ti na ifo ake loa le kau Amaleke mo le kau Kanaane, ala na nonofo i le mauga lena, o tamate latou ti mo kapu latou o kaku ki Olama.

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Tuifakamaau 16:20

Ti na pati loa Talila : Samisoni, kua au le kau Filisitini kiate koe ! Na ala ake loa a ia i lana moe, o pati : E fai loa pe le masani, e leaise lotou mafai ia loa se nea kiate au, e kau saosaoa loa ! Kae na leaise iloa e ia kua mavae le Eteleno meiate ia.

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 2:4

I le oki o le fakasa e le aselo o le Eteleno le folafola lena ki fanau fuli a Iselaele, na fetagisi fuli loa le kakai.

Uluaki tosi a Samuele 14:38

Na pati loa Saulo : Kotou fakafeofi mai ki leinei, koutou fuli ko pule o le kakai ; kotou afa ti kotou tioi pe na fefeaki le soko o le agasala lena i le aso nei.