Sosue 7:11 - Tosi Tapu

¹¹ Kua agasala a fanau a Iselaele : Kua lotou maumaui le fakapapau leia na kau tuku kia latou ; io, kua lotou too ni nea i nea ala na kau tapui kia latou, kua lotou kaia a nea ana, ti kua lotou fufu latou i loto malie o alatou kavega.

Sosue 7:11 ပူးပေါင်းရင်းမြစ်များ

Lua tosi o Sau 18:12

o tupu na leaise lotou fakalogo ki le leo o le Eteleno, lolatou Atua, ti na lotou maumaui lana sai, na leaise lotou fakalogo mo tausi ki nea fuli ala na fakatotonu e Moisese, le tagata fakasausau a le Eteleno.

Lua tosi o Sau 5:24

I le temi leia na lotou kaku ai loa ki aluga o le mauga, na too loa e Keasi a nea fuli mei ola lima o tuku ki le fale, ti na kakau loa e ia a tagata ke ano.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Levitiko 5:15

Kapau e fai loa e se tagata, i lona loto noa, se sala ki moliga ala kua fakatapu ki le Eteleno, e tonu ke fai loa e ia le nea leinei : E momoli loa e ia ki le Eteleno, ki le totogi o lana agasala, se ovi tagata lee mele, leia kua totogi ki se paaga, o mulimuli ki le totogi leia e fakaaoga i le sagatualio ; e fakaaoga loa le manu lena ki le sakilifisio o le faisala.

Apakuki 2:6

Pe leaise liliu loa a ia ki kakai fuli ko ni nea fakakatai, Mo se nea fakagologolo mo se nea fakaofolele ? E pati loa : Malaia ki le tagata leia e fakatuuga ia a nea ala e leaise ko ni ana nea ! E kaku loa ki afea ?… Malaia ki le tagata leia e fakatuuga ia ona maua !

Sakalia 5:4

E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Mateo 22:21

Ti na lotou tali loa kiate ia : O Sesale. Ti na pati loa Sesu kia latou : Kotou tuku kia Sesale le nea a Sesale, ti e ki le Atua le nea a le Atua.

Gaoi 5:9

Ti na pati loa Petelo kiate ia : Kolea kua kolua fia asiasii ai le Laumalie o le Aliki ? Ko nei latou ala na tanu ia lou avaga kua tutuu i le matapa, ti e lotou toe fata loa a koe ki fafo.

Tetelonome 17:2

E feala loa i se aso ke maua i se kolo o kolo ala e soli atu loa kiate koe e le Eteleno, lou Atua, se tagata pe ko se fafine leia e fai ia loa se nea veli ki mata o le Eteleno, lou Atua, o maumaui loa lana fakapapau ;

Epelo 4:13

E leaise munia se nea fua e tasi i ona mua, talie e telefua mo fakatekateka a nea fuli ki mata o leia e tonu ke tou fakasa ki ai atatou gaoi fuli.

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 7:10

Na pati loa le Eteleno kia Sosue : Tuu ki aluga ! Kolea na ke fakatuu ai ou mata ki le kele ?

Tuifakamaau 2:20

Koia na ita ai loa le Eteleno ki Iselaele, o pati : talie na tiaki loa e le puleaga leinei le fakapapau leia na kau fai ki olatou tamana, ti na leaise lotou fakalogo loa ki loku leo,

Uluaki tosi a Samuele 14:38

Na pati loa Saulo : Kotou fakafeofi mai ki leinei, koutou fuli ko pule o le kakai ; kotou afa ti kotou tioi pe na fefeaki le soko o le agasala lena i le aso nei.