Sosue 6:7 - Tosi Tapu

⁷ Ti na pati loa a ia ki le kakai : Ke kotou saele ! Ke kotou fai le foli takatakai o le kolo. Ti ke saele, i mua o le aleka o le Eteleno, a tagata tau mo alatou masafu.

Sosue 6:7 ပူးပေါင်းရင်းမြစ်များ

Sosue 1:14

E nonofo loa okoutou fafine, mo okoutou fanau liliki ti mo okoutou kau manu i le fenua leinei na tuku atu kia koutou e Moisese i le fetuu leinei o le Solotane. Kae ko koutou fuli, ala ko tagata tau loto toa, ke kotou fakalaka loa mo akoutou masafu i mua okoutou fetaina, ti ke kotou tokoi loa kia latou,

Sosue 4:13

Na tino fa afe a tagata ala na too ia alatou masafu tau, ti kua tokamalie ki le tau, o saele i mua o le Eteleno ki le fenua o Seliko.

Sosue 6:3

Ko koe mo au tagata tau fuli, ke kotou fai loa le foli takatakai o le kolo ; ke kotou fai loa le foli takatakai o le kolo o tua tasi. Ke ke fai felaaki loa i aso e ono.

Sosue 6:6

Na kalagai loa e Sosue, vosa o Nune, le kau tagata faisakilifisio, o pati kia latou : Ke kotou amo ki okoutou tuauma le aleka o le fakapapau ti ke too e ni tagata faisakilifisio e toka fitu ni fakatagi pupusi, o saele i mua o le aleka o le Eteleno.

Sosue 6:8

Na fai loa a nea fuli o mulimuli ki le fakatotonu a Sosue. Na saele loa a kau tagata faisakilifisio e toka fitu, ala na ano mo fakatagi pupusi e fitu, i mua o le aleka o le Eteleno, o pupusi alatou fakatagi pupusi. Na muli loa le aleka o le fakapapau o le Eteleno ia latou.