Sosue 6:6 - Tosi Tapu

⁶ Na kalagai loa e Sosue, vosa o Nune, le kau tagata faisakilifisio, o pati kia latou : Ke kotou amo ki okoutou tuauma le aleka o le fakapapau ti ke too e ni tagata faisakilifisio e toka fitu ni fakatagi pupusi, o saele i mua o le aleka o le Eteleno.

Sosue 6:6 ပူးပေါင်းရင်းမြစ်များ

Ekesote 25:14

E ke fakaulu loa a amo i mama i potupotu o le aleka, ke amo ai le aleka.

Gaoi 9:1

Kae ko Saulo, leia koi oli aifai ki le fakaii ti mo le tukipooi o le kau tisipulo a le Aliki, na ano loa ki le fale o le pule faisakilifisio,

Sosue 24:11

Na kotou fakalaka loa i le Solotane ti na kotou kaku loa ki Seliko. Na tau loa kia koutou le kakai o Seliko, mo le kau Amole, mo le kau Eti, mo le kau Kilikasi, mo le kau Evi, ti mo le kau Sepusi. Kae na kau tuku loa latou ki okoutou lima,

Sosue 3:3

ti na lotou tuku loa le fakatotonu leinei ki le kakai : ka kotou tio loa ki le aleka o le fakapapau o le Eteleno, lokoutou Atua, kua amo e le kau Levi faisakilifisio, ke kotou mavae loa i le ganea leia e kotou nofo ai, ti ke kotou saele loa i ona muli.

Sosue 3:6

Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 6:13

Na saele loa a tagata faisakilifisio e toka fitu ala na ano mo fakatagi pupusi i mua o le aleka o le Eteleno, o pupusi alatou fakatagi pupusi. Na ano loa le uluaki kau tagata too masafu i mua o latou, ti na ano loa le lua kau tagata too masafu i muli o le aleka o le Eteleno. Na pupusi loa a fakatagi pupusi i le lolotoga o le saele.

Sosue 6:5

Ka kaku loa ki le temi leia e lotou pupusi ai loa se nota fakaloaloa, e fakamapa loa e le kakai se kalaga tau ti e sosolo loa a kaua o le kolo ki lalo. Ti ke pale loa a fanau a Iselaele ki le kolo, o tasi ano fakasako i ona mua.

Sosue 6:7

Ti na pati loa a ia ki le kakai : Ke kotou saele ! Ke kotou fai le foli takatakai o le kolo. Ti ke saele, i mua o le aleka o le Eteleno, a tagata tau mo alatou masafu.

Sosue 6:8

Na fai loa a nea fuli o mulimuli ki le fakatotonu a Sosue. Na saele loa a kau tagata faisakilifisio e toka fitu, ala na ano mo fakatagi pupusi e fitu, i mua o le aleka o le Eteleno, o pupusi alatou fakatagi pupusi. Na muli loa le aleka o le fakapapau o le Eteleno ia latou.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.