Sosue 6:4 - Tosi Tapu

⁴ E ano loa a tagata faisakilifisio e toka fitu mo ni fakatagi pupusi, ko tagata e fitu i mua o le aleka. I le fitu o aso, ke kotou fai loa le foli takatakai o le kolo o tua fitu, ti ke pupusi loa e tagata faisakilifisio a fakatagi pupusi.

Sosue 6:4 ပူးပေါင်းရင်းမြစ်များ

Senesi 2:3

Na tapuaki loa le Atua ki le fitu o aso, ti na vaei kese loa e ia le aso a ia, talie na malolo loa a ia i le aso aia i ana gaoi fuli ala na fai e ia ki le fakatupu o le lagi mo le kele.

Uluaki tosi o Sau 18:43

ti na pati loa a ia ki lana tagata fakasausau : Pale, o tio ki le fetuu o le tai. Na pale loa le tagata fakasausau o tio, ti na pati loa a ia : E leaise nea. Na pati loa Elia kiate ia o tua fitu : Toe liliu, o tio.

Lua tosi o Sau 5:10

Na kakau loa e Eliseo ke pati kiate ia : Ano, ti ke uku tua fitu i le Solotane ; e toe malie loa lou tino ti e ke mea loa.

Lua tosi o Sau 5:14

Na ifo loa Naamane, o uku tua fitu i le Solotane, o mulimuli ki le folafola a le tagata a le Atua ; ti na liliu loa lona kili ofaipe se kili o se ga toe memea, ti na mea loa a ia.

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Lua tosi o Koloniko 20:19

Na tutuu ake loa ki aluga le kau Levi mei vosa o Keati mo vosa o Kole, o fakamalo leo lasi ki le Eteleno, le Atua o Iselaele.

Lua tosi o Koloniko 20:21

Ti na loto tasi loa a ia mo le kakai ke filifili loa e ia se kau sua, ala na kofu ia loa a teu taputapu ti na saele loa i mua o le solia, ke fakavikiviki ki le Eteleno, o pati : Kotou fakavikiviki ki le Eteleno talie e lee gato lona manava alofa !

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Levitiko 14:16

Ti e tooi loa e ia ki ai lona maikao tusi, ti e fai loa e ia ni afusi e fitu i mua o le Eteleno.

Levitiko 4:6

E tooi loa e ia lona maikao ki le toto, ti e afusi loa e ia a ia o tua fitu ki le fetuu o le lito tapu leia e sa mai ki tafa, i mua o le Eteleno.

Sakalia 4:2

Na pati mai loa a ia kiate au : Kolea le nea leia e ke tio ki ai ? Na kau tali loa : E kau tio, ti ko leinei, e i ai se tuuaga malama leia na aulo saosaoa katoa, mo se nea tanaki lolo i aluga. Na maga fitu le tuuaga malama, mo ni tafeaga lolo e fitu ki malama e fitu ala i le tumutumu o le tuuaga malama ;

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Numelo 23:1

Na pati loa Palaame kia Palake : ke ke fakatuu loa i leinei ni aletale e fitu kiate au, ti ke teuteui loa i leinei ni pipi tagata e fitu mo ni akeno tagata e fitu.

Sosue 6:13

Na saele loa a tagata faisakilifisio e toka fitu ala na ano mo fakatagi pupusi i mua o le aleka o le Eteleno, o pupusi alatou fakatagi pupusi. Na ano loa le uluaki kau tagata too masafu i mua o latou, ti na ano loa le lua kau tagata too masafu i muli o le aleka o le Eteleno. Na pupusi loa a fakatagi pupusi i le lolotoga o le saele.

Sosue 6:3

Ko koe mo au tagata tau fuli, ke kotou fai loa le foli takatakai o le kolo ; ke kotou fai loa le foli takatakai o le kolo o tua tasi. Ke ke fai felaaki loa i aso e ono.

Sosue 6:5

Ka kaku loa ki le temi leia e lotou pupusi ai loa se nota fakaloaloa, e fakamapa loa e le kakai se kalaga tau ti e sosolo loa a kaua o le kolo ki lalo. Ti ke pale loa a fanau a Iselaele ki le kolo, o tasi ano fakasako i ona mua.

Apokalipisi 1:20

Ko leinei le misitelio o fetuu e fitu ala na ke tio ki ai i loku lima atamai, ti mo tekiaga malama aulo e fitu. Ko fetuu e fitu ko aselo ana o Ekelesia e fitu, ti ko tekiaga malama e fitu ko Ekelesia ana e fitu.

Apokalipisi 1:4

Ko au Soane ki Ekelesia e fitu ala e tuu i Asia : Ke soli atu kia koutou le kalasia mo le tokamalie mei leia e agai, leia na agai, leia e au, ti mei Laumalie e fitu ala i mua o lona ekeekeaga fakasau,

Apokalipisi 10:3

ti na kalaga loa a ia o leo lasi, ofaipe se gugulu o se laione. I lana kalaga, na fakagugulu loa e mana e fitu olatou leo.

Apokalipisi 15:1

Ti na kau tio loa i le lagi ki se tasi ake fakamailoga, lasi mo fulumalie ; ko aselo e fitu, ala na taofi ia a malaia fakaoki e fitu, talie e katoa loa ia latou le sausau o le Atua.

Apokalipisi 15:7

Ti na soli loa e se tasi o manu mauuli e fa ki aselo e fitu ni ipu aulo e fitu, kua apele i le sausau o le Atua leia e mauli i sekulo mo sekulo.

Apokalipisi 16:1

Ti na kau logo loa ki se leo makeke leia na au mei le fale tapu, o pati ki aselo e fitu : Kotou ano, ti kotou liligi ki le malama nei a ipu e fitu o le sausau o le Atua.

Apokalipisi 5:1

Ti na sili a ia, na kau tio loa i le lima atamai o leia na ekeeke i le ekeekeaga fakasau ki se tosi kua tosi i loto mo tafa, ti kua fakamau ki ni fakamau e fitu.

Apokalipisi 5:6

Ti na kau tio loa, i loto malie o le ekeekeaga fakasau, mo manu mauuli e fa, ti mo loto malie o le kau matua, ki se Akeno leia na nofo i ai o sakinake kua momoli i se sakilifisio. Na maua e ia ni tala e fitu ti mo ni mata e fitu, ala ko Laumalie e fitu o le Atua kua kakau i le malama nei katoa.

Apokalipisi 8:2

Ti na kau tio loa ki aselo e fitu ala e tutuu i mua o le Atua, ti na soli loa kia latou ni fakatagi pupusi e fitu.

Apokalipisi 8:6

Ti ko aselo e toka fitu, ala na nonofo mo fakatagi pupusi e fitu, na teuteu loa ki le pupusi o fakatagi.