Sosue 6:3 - Tosi Tapu

³ Ko koe mo au tagata tau fuli, ke kotou fai loa le foli takatakai o le kolo ; ke kotou fai loa le foli takatakai o le kolo o tua tasi. Ke ke fai felaaki loa i aso e ono.

Sosue 6:3 ပူးပေါင်းရင်းမြစ်များ

Lua tosi o Koloniko 4:3

Na paaki loa i lalo o laugutu o le tai, i le takatakai katoa, ni pipi tagata, ko pipi e kau lua i le meta e tasi i atu e lua. Na kule fakatasi loa a pipi ana mo le tai ke tuu ko se nea e tasi.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Lua tosi ki le kau Kolinto 4:7

E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Sosue 6:11

Na fai loa e le aleka o le Eteleno le foli takai o le kolo ; na fai e ia o tua tasi, ti na lotou toe liliu loa ki le nofolaga, ti na lotou nonofo ai loa i le pouli.

Sosue 6:14

Na lotou fai loa le foli takai o le kolo o tua tasi, i le lua aso ; Ti na lotou toe liliu loa ki le nofolaga. Na lotou fai felaaki i aso e ono.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.

Sosue 6:4

E ano loa a tagata faisakilifisio e toka fitu mo ni fakatagi pupusi, ko tagata e fitu i mua o le aleka. I le fitu o aso, ke kotou fai loa le foli takatakai o le kolo o tua fitu, ti ke pupusi loa e tagata faisakilifisio a fakatagi pupusi.

Sosue 6:7

Ti na pati loa a ia ki le kakai : Ke kotou saele ! Ke kotou fai le foli takatakai o le kolo. Ti ke saele, i mua o le aleka o le Eteleno, a tagata tau mo alatou masafu.