Sosue 6:22 - Tosi Tapu

²² Na pati loa a Sosue ki tagata e toka lua ala na ano o tioi le fenua : Kolua ano ki le fale o le fafine faiaga ti kolua fakamavae mei ai le fafine lena mo ana nea fuli e maua e ia, o fai ki le fakapapau leia na kolua fai kiate ia.

Sosue 6:22 ပူးပေါင်းရင်းမြစ်များ

Lua tosi a Samuele 21:2

Na kalagai loa e le sau le kau Kapaone ke masau kia latou. - Na leaise kau le kau Kapaone ki fanau a Iselaele, kae ko se toetoega latou a le kau Amole ; na sai kia latou a fanau a Iselaele e se fakapapau, kae na loto Saulo ke tamate latou i lona fia tausi malie ki fanau a Iselaele mo Suta. -

Lua tosi a Samuele 21:7

Na fakamauli loa e le sau a Mefiposete, vosa o Sonatane, vosa o Saulo, o tupu ko le fakapapau leia na fai i mua o le Eteleno e Tavite mo Sonatane, vosa o Saulo.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Esekiele 17:13

Ti kua filifili e ia se tasi o le sakoga sau, ti kua fai e ia se sai mo ia, o fakamaua a ia ke fakapapau, ti kua ave e ia le kau lalasi o le fenua,

Esekiele 17:16

E pati le Aliki, le Eteleno : E kau mauli ! E mate loa le sau lena i le fenua o le sau leia na fakaeke ia a ia ki le ekeekeaga fakasau. O tupu na leaise tokaga a ia ki le fakapapau na fai, kae na motusi e ia le sai. Ti e mate loa a ia i Papilone totonu.

Epelo 11:31

Ko le tui leia na leaise mate ai loa Laape, le fafine faiaga, mo latou ala na leaise tui, talie na tali malie e ia le sa esipio Iselaele.

Sosue 6:17

Ke maumaui loa le kolo mo nea fuli e maua i ai, talie kua fakatapui a ia ki le Eteleno. Kae e tuku loa le mauli ki le fafine faiaga ko Laape ti mo latou fuli ala e nonofo loa mo ia i lona loto fale, talie na fakamumuni e ia a tagata avelogo ala na tou kakau.

Sosue 6:23

Na ano loa a tagata esipio tupulaga ki le fale o Laape, ti na la fakamavae loa mei ai a Laape, mo lona tamana, mo lona tinana, mo ona fetaina ti mo nea fuli na maua e ia. Na la fakamavae loa mei ai lona famili katoa. Ti na la tuku loa latou ki se ganea saosaoa i tua o le nofolaga o Iselaele.

Sosue 9:15

Na fai loa e Sosue se sai o le tokamalie mo latou leia na tonu ai ke tuku loa e ia kia latou le mauli, ti na fakamaoki loa kia latou a pule o le fakatasiga.

Tuifakamaau 1:25

Na fakasa loa e ia kia latou le uluaga ki le kolo, ti na lotou tamate loa le kolo katoa ki le mata o le seleta, kae na lotou fakamauli loa le tagata lena mo lona famili katoa.