Sosue 6:2 - Tosi Tapu

² Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.

Sosue 6:2 ပူးပေါင်းရင်းမြစ်များ

Lua tosi a Samuele 5:19

Na afa loa e Tavite le finegalo o le Atua, o pati : Pe kau pale loa o taui le kau Filisitini ? Pe ke tuku mai loa latou ki oku lima ? Ti na pati loa le Eteleno kia Tavite : Pale, talie e kau tuku atu loa le kau Filisitini ki ou lima.

Neemia 9:24

Ti na ulu loa olatou vosa o maua le fenua, ti na ke fakagaegae loa i olatou mua le kakai o le fenua o Kanaane, ti na ke tuku loa olatou sau mo le kakai o le fenua ki olatou lima, o tupu ke lotou fai kia latou o mulimuli ki olatou loto.

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Tetelonome 7:24

E tuku loa e ia olatou sau ki ou lima, ti e ke fakapuli loa olatou igoa i lalo o le lagi : e leaise toe tuu loa se tasi i ou mua, o kaku ki lau maumaui latou fuli.

Sosue 12:9

Ko le sau o Seliko, tasi ; ko le sau o Ai, i tafa o Petele, tasi ;

Sosue 2:24

Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 2:9

ti na pati loa a ia ki le sa tagata : E kau iloa kua tuku atu e le Eteleno kia koutou le fenua leinei ; ti kua vilo kia matou le i kia koutou, ti kua loto gaegae le kakai fuli o le fenua leinei, o tupu ko koutou.

Sosue 20:1

Na masau loa le Eteleno kia Sosue, o pati :

Sosue 6:1

Na tapotapono a matapa o Seliko ti na fakamaumau latou o tupu ko fanau a Iselaele. Na leaise ulu se tasi ki fafo, pe ulu ki loto.

Sosue 6:3

Ko koe mo au tagata tau fuli, ke kotou fai loa le foli takatakai o le kolo ; ke kotou fai loa le foli takatakai o le kolo o tua tasi. Ke ke fai felaaki loa i aso e ono.

Sosue 8:1

Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Tuifakamaau 11:21

Na tuku loa e le Eteleno, le Atua o Iselaele, a Sioni mo lona kakai katoa ki lima o Iselaele leia na tamate ia loa latou. Ti na maua loa e Iselaele le fenua katoa o le kau Amole ala na nofo i le fenua lena.

Tuifakamaau 11:24

Pe leaise ke maua ia le fenua leia na soli atu kiate koe e lou atua ko Kemosi ? Ti ko matou foki, e tonu ke motou maua ia a nea fuli ala na soli mai kia matou e le Eteleno ko lomatou Atua !