Sosue 6:1 - Tosi Tapu

¹ Na tapotapono a matapa o Seliko ti na fakamaumau latou o tupu ko fanau a Iselaele. Na leaise ulu se tasi ki fafo, pe ulu ki loto.

Sosue 6:1 ပူးပေါင်းရင်းမြစ်များ

Lua tosi a Samuele 10:5

Na fakasa loa le nea lena kia Tavite, leia na kakau ia loa ni kakai ke ano o fakafelavei kia latou, talie kua luma lasi ai a tagata ana ; ti na pati loa le sau ke fakasa kia latou : Kotou nonofo i Seliko o kaku ki le toe loloa o okoutou kaukava ti o kotou au loa.

Lua tosi o Sau 17:4

Kae na iloa loa e le sau o Asilia se agatuu kiate ia i le fale o Ose, ti na kakau loa e ia ni tagata avelogo ki le sau o Esipito ko So, leia na leaise koi soli ia le tukusau i le fetuu ki le sau o Asilia. Na sai loa e le sau o Asilia a Ose ki ni tini, o tuku ki le pilisoni.

Lua tosi o Sau 2:4

Na pati loa Elia kiate ia : Eliseo, nofo i leinei talie kua kakau au e le Eteleno ki Seliko. Na tali loa Eliseo : E mauli le Eteleno ti e mauli lou laumalie ! e leaise kau mavae loa iate koe. Ti na la kaku loa ki Seliko.

Pesalemo 127:1

Katiko o le fanoga tapu. A Salomone. Kapau e leaise fau e le Eteleno le fale, Ko latou ala e fau ia a ia e gaoi noa ; Kapau e leaise leoleo e le Eteleno le kolo, Ko leia e leoleo ia a ia e alaala noa.

Sosue 16:7

I Sanoaki na ifo loa a ia ki Ataloti mo Naalata, o kaku loa ki Seliko, ti na fakaoki loa a ia ki le Solotane.

Sosue 18:21

Ko kolo o le faasiga o vosa o Pesamino, o mulimuli ki olatou kutuga, ko Seliko, mo Pete-Okala, mo Emeki-Ketesi ;

Sosue 2:1

Na kakau fakafufu loa e Sosue, vosa o Nune, mei Sitime ni tagata esipio e toka lua, o pati kia laua : Ke kolua ano o tioi le fenua kae tafito a Seliko ! Na la ano loa, ti na la ulu loa ki le fale o se fafine faiaga, ti ko le igoa o le fafine lena ko Laape, ti na la momoe loa i ai.

Sosue 2:24

Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 2:7

Na ano loa a tagata a le sau, o tuli le sa tagata i le ala o le Solotane, o kaku ki ona kauvai, ti na tapono loa le matapa i le mavae o le kau tuli.

Sosue 5:15

Na pati loa le pule o le kau tau a le Eteleno kia Sosue : Tatala ou taka i ou vae, talie e maokioki le ganea leia e ke tuu ai. Ti na fai loa a Sosue ki ai.

Sosue 6:2

Na pati loa le Eteleno kia Sosue : Tio, e kau tuku ki ou lima a Seliko, mo lona sau, ti mo ona tagata tau loto toa.