Sosue 5:1 - Tosi Tapu

¹ Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Sosue 5:1 ပူးပေါင်းရင်းမြစ်များ

Senesi 12:6

Na ano loa Apalamo i le fenua o kaku ki le ganea leia na igoa ko Siseme, o kaku ki le ulu sene o Mole. Na nofo le kau Kanaane i le temi lena i le fenua.

Senesi 48:22

E kau soli atu kiate koe se vaega leia e lasi ake i vaega o ou fetaina, e kau soli kiate koe le fenua o Siseme leia na kau maua mei le lima o le kau Amole ki laku seleta mo laku gasau.

Lua tosi a Samuele 21:2

Na kalagai loa e le sau le kau Kapaone ke masau kia latou. - Na leaise kau le kau Kapaone ki fanau a Iselaele, kae ko se toetoega latou a le kau Amole ; na sai kia latou a fanau a Iselaele e se fakapapau, kae na loto Saulo ke tamate latou i lona fia tausi malie ki fanau a Iselaele mo Suta. -

Uluaki tosi o Sau 10:5

mo nea kai o lona laupapa, mo le nofoaga o ana tagata fakasausau, mo tuulaga ti mo teu o latou ala na tausi kiate ia, mo ana tagata ala na tokaga ki nea inu, mo ana failaulau ala na momoli e ia i le fale o le Eteleno ; na apele loa lona loto i le ofolele.

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Pesalemo 135:11

Sione, sau o le kau Amole, Mo Oke, sau o Pasani, Ti mo sau fuli o Kanaane ;

Ekesote 23:28

E kau kakau loa i ou mua ni pi fualalasi, ti e lotou kapu loa ke mamao mei ou mata le kau Evi, mo le kau Kanaane, mo le kau Eti.

Esaia 41:5

E tio a atu motu kiate ia, ti e lotou i ; E lulu a potupotu o le malama nei : E lotou fakafeofi mai, e lotou au.

Esekiele 16:3

E ke pati loa : E folafola le Aliki, le Eteleno, ki Selusalemi : Na fakatupu a koe ti na fanaui a koe i le fenua o Kanaane ; ko lou tamana ko se tagata Amole, ti ko lou tinana ko se fafine Eti.

Esekiele 21:7

Vosa o le tagata, fakaaga ou mata ki Selusalemi, Ti ke masau ki potu tapu ! Kikite ki le fenua o Iselaele !

Taniela 5:6

Ti na tea katoa loa le sau i lona i, ti na sevaia loa lona loto i ana fakakaukau, ti na leaise koi maua loa sona makeke ti na fetati loa ona tuli.

Amosi 2:9

Kae na kau maumaui i olatou mua le kau Amole, Ala na taualuga ofaipe ni sete, Ti na makeke ofaipe ni sene ; Na kau maumaui olatou fua i aluga, Ti mo olatou aka i lalo.

Numelo 13:29

E nofo le kau Amaleke i le saute o le fenua. E nofo le kau Iti, mo le kau Sepusi, ti mo le kau Amole i le mauga. E nofo le kau Kanaane i le mata tai mo kauvai o le Solotane.

Sosue 17:12

Na leaise mafai loa e vosa o Manase ke lotou too a kolo ana, ti na loto loa le kau Kanaane ke nonofo i le fenua lena.

Sosue 17:18

Kae e kotou maua loa le mauga, talie ko se vaomatua leia e kotou faala loa, ti e kotou maua loa ona ala fuli, ti e kotou nofoi loa a ia katoa. E kotou kapu loa le kau Kanaane, logo ai alatou saliote ukamea mo lolatou makeke.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.

Sosue 3:17

Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Apokalipisi 18:10

E lotou tuu loa mei mamao, i le i ki lona mamae, o pati : Malaia ! Malaia ! le kolo lasi ko Papilone, le kolo makeke lena ! Talie kua soko lou fakamaau i se ola e tasi.

Tuifakamaau 1:1

I le oki o le mate o Sosue, na vesili loa fanau a Iselaele ki le Eteleno, o pati : Ko ai leia ia matou e tonu ke uluaki pale loa o taui le kau Kanaane ?

Tuifakamaau 11:23

Ti ko leinei ko le Eteleno, le Atua o Iselaele, leia na kapu ia le kau Amole i mua o le kakai o Iselaele, pe ko koe, leia e loto loa i le aso nei ke ke toe too a ia ?

Tuifakamaau 3:3

Ko latou ala na nonofo loa i le fenua : ko kakai o puleaga e lima o le kau Filisitini, mo le kau Kanaane fuli, mo le kau Sitone, ti mo le kau Evi ala na nonofo i le mauga o Lipane, mei le mauga o Paale-Elemoni o kaku ki le matapa o Amate.

Tuifakamaau 4:2

Ti na tuku loa latou e le Eteleno ki lima o Sapini, sau o Kanaane, leia na nofo i Atesoa. Ko le pule o lana solia ko Sisela, ti na nofo a ia i Aloseti-Koimi.

Uluaki tosi a Samuele 25:37

Kae i le usu, i le mamao loa o le kona o Napale, na fakamatala loa e lana avaga kiate ia a nea fuli ala na soko. Na oso loa le mafu o Napale, ti na tuu noa loa a ia.