Sosue 4:9 - Tosi Tapu

⁹ Na fakatuu foki e Sosue ni fatu e kau agafulu tupu lua i loto malie o le Solotane, i le ganea leia na tutuu ai a tagata faisakilifisio ala na amo ia le aleka o le fakapapau, ti koi lotou tutuu i ai o kaku mai ki le aso nei.

Sosue 4:9 ပူးပေါင်းရင်းမြစ်များ

Senesi 26:33

Ti na fakaigoa loa e ia le sosoni lena ko Sipa. Koia leia na soli ai loa le igoa ko Pele-Sepa ki le kolo lena, o kaku mai ki le aso nei.

Senesi 28:18

Ti na tuu ake loa Sakopo i le usu, o too le fatu leia na uluga ki ai, ti na fakatuu loa e ia a ia ke liliu ko se fatu fakamaoki, ti na liligi loa e ia se lolo ki lona tumutumu.

Lua tosi a Samuele 4:3

ti na sosola le kakai o Peeloti ki Kitaimi, leia na lotou nonofo ai o kaku mai ki le aso nei.

Uluaki tosi o Sau 18:31

Na too loa e ia a fatu e kau agafulu tupu lua, o mulimuli ki le api o faasiga o vosa o Sakopo, ala na pati loa ki ai le Eteleno : Ko lou igoa ko Iselaele ;

Lua tosi o Koloniko 5:9

Na fakaloloa loa a laakau amo ke feala ke tio ki ola potupotu o mamao mo le aleka mei le matapa ulu, kae na leaise mafai ke tio ki ai mei fafo. Na tuku loa i ai le aleka o kaku mai ki le aso nei.

Ekesote 24:12

Na pati loa le Eteleno kia Moisese : Pale mai kiate au i le mauga, ti ke nofo i ai ; e kau soli atu loa kiate koe ni laui fatu, le lao mo fakatotonu ala na kau tosi ke akoi ai latou.

Ekesote 28:21

Ko fatu loa e kau agafulu tupu lua o mulimuli ki igoa o vosa o Iselaele. E togi loa a fatu ana ko ni fakamailoga, ko le fa fatu fai mo lona igoa i igoa o famili e kau agafulu tupu lua o Iselaele.

Mateo 27:8

Koia na fakaigoa ai le kele lena, ko le kele o le toto, o kaku mai ki le aso nei.

Mateo 28:15

Na too loa e le kau solia le paaga, o mulimuli ki le fakatuutuu leia kua tuku ake kia latou. Ti na mafola loa le logo lena i le kau Sutea, o kaku mai ki le aso nei.

Tetelonome 34:6

Na tanu loa a ia e le Eteleno i se vaivailiua o le fenua o Moape, i mua o Pete-Peoli. Na leaise iloa e se tasi lona tanuma o kaku mai ki le aso nei.

Sosue 24:26

Na tosi loa e Sosue a nea ana i le tosi lao a le Atua. Na too loa e ia se fatu lasi, o fakatuu i lena i lalo o le Sene leia na tuu i le ganea tapu o le Eteleno.

Sosue 4:10

Na tutuu loa a tagata faisakilifisio ala na amo ia le aleka i loto malie o le Solotane, o kaku ki le oki o le fai o nea fuli ala na fakatotonu e le Eteleno kia Sosue ke fakasa ki le kakai, o mulimuli ki nea fuli na tuku e Moisese kia Sosue. Ti na fakavilivili loa le kakai o fakalaka i le Solotane.

Tuifakamaau 1:26

Na ano loa le tagata lena ki le fenua o le kau Eti : Ti na laga loa e ia se kolo, ti na tuku loa e ia ki le kolo lena le igoa ko Lusi, igoa leia na maua e ia o kaku mai ki le aso nei.

Uluaki tosi a Samuele 30:25

Na fai fenaaki loa talu mei le aso a ia o fai ki muli, ti na fakatuu loa le nea lena ko se lao mo se agai fenua i Iselaele.

Uluaki tosi a Samuele 7:12

Na too loa e Samuele se fatu o fakatuu i le vasa o Misipa mo Sene, ti na fakaigoa loa e ia a ia ko Epene-Esele, o pati : Kua tokoi mai le Eteleno kia tatou o kaku mai ki le aso nei.