Sosue 4:5 - Tosi Tapu

⁵ Na pati loa a ia kia latou : Ke kotou ano i mua o le aleka o le Eteleno, lokoutou Atua, ki loto malie o le Solotane, ti ke tasi amo e le tagata o koutou se fa fatu ki lona tuauma, o mulimuli ki le lasi o faasiga o Iselaele,

Sosue 4:5 ပူးပေါင်းရင်းမြစ်များ

Senesi 31:46

Ti na pati loa Sakopo ki ona fetaina ke lotou tanaki ake ni fatu. Na lotou tae ake loa ni fatu, o lotou tanaki fakatuuga loa latou. Ti na lotou kakai fuli loa i aluga o le tuuga fatu lena.

Ekesote 24:4

Na tosi loa e Moisese a folafola fuli a le Eteleno. Ti na alaala usu loa a ia o fakatuu se aletale i lalo o le mauga, ti na eti loa e ia ni fatu e kau agafulu tupu lua o fakatatau ki famili e tino agafulu tupu lua o Iselaele.

Tetelonome 27:2

Ka kotou ano loa o fakalaka i le Solotane, o ulu ki le fenua leia e soli atu loa kia koutou e le Eteleno, lou Atua, e ke fakatuu loa ni fatu lalasi ti e ke pena loa latou ki le lase.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Sosue 22:10

I lalatou kaku loa ki le kauvai o le Solotane, leia e kau ki le fenua o Kanaane, na fakatuu loa e vosa o Lupeni, mo Kate, ti mo le vaelua o Manase, se aletale i tafa o le Solotane, se aletale leia na lasi ai ki mata.

Sosue 4:4

Na kalagai loa e Sosue a tagata e tino agafulu tupu lua ala na filifili e ia i fanau a Iselaele, ko le tagata e tasi i le faasiga.

Sosue 4:6

o tupu ke liliu a ia ko se fakamailoga i loto malie o koutou. Ka vesili atu loa a akoutou fanau kia koutou i se aso : Kolea le uiga o fatu ana kia koutou ?