Sosue 4:3 - Tosi Tapu

³ Ke kotou tuku kia latou le fakatotonu leinei : Ke kotou too i leinei, i loto malie o le Solotane, i le ganea leia na tutuu ai le kau tagata faisakilifisio, ni fatu e kau agafulu tupu lua. Kotou ave loa a fatu ana, ti ke kotou tuku loa latou i le ganea leia e kotou momoe ai loa i le po leinei.

Sosue 4:3 ပူးပေါင်းရင်းမြစ်များ

Senesi 28:22

Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Pesalemo 103:2

Loku laumalie, fakafetai ki le Eteleno, Ti aua na ke galoi se nea fua e tasi i ana nea malilie !

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Luka 19:40

Na tali loa a ia : E kau pati atu kia koutou, kapau e lotou fakalologo, ti e kalaga loa a fatu anei !

Sosue 24:27

Ti na pati loa Sosue ki le kakai katoa : Ko leinei : e tuu loa le fatu leinei pe se fakamaoki kia koutou, talie na logo a ia ki folafola fuli ala na fakasa e le Eteleno kia koutou. Io, e tuu loa le fatu leinei ko se fakamaoki kia koutou o tupu ke aua na kotou agatuu loa ki lokoutou Atua.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 4:4

Na kalagai loa e Sosue a tagata e tino agafulu tupu lua ala na filifili e ia i fanau a Iselaele, ko le tagata e tasi i le faasiga.

Sosue 4:8

Na fai loa e fanau a Iselaele le nea leia na fakatotonu e Sosue kia latou. Na lotou too loa a fatu e kau agafulu tupu lua i loto malie o le Solotane, o mulimuli ki le nea leia na fakasa e le Eteleno kia Sosue, o fakafuafua ki le lasi o faasiga o Iselaele. Na lotou ave loa latou mo latou ti na lotou tuku loa latou i le ganea leia na lotou nonofo ai i le po lena.

Uluaki tosi a Samuele 7:12

Na too loa e Samuele se fatu o fakatuu i le vasa o Misipa mo Sene, ti na fakaigoa loa e ia a ia ko Epene-Esele, o pati : Kua tokoi mai le Eteleno kia tatou o kaku mai ki le aso nei.