Sosue 4:14 - Tosi Tapu

¹⁴ I le aso lena, na fakamakeke e le Eteleno le pule a Sosue i mua o fanau fuli o Iselaele, ti na lotou fakaapaapa loa kiate ia i lona mauli katoa ofaipe lalatou fakaapaapa kia Moisese.

Sosue 4:14 ပူးပေါင်းရင်းမြစ်များ

Uluaki tosi o Sau 3:28

Na logo loa Iselaele katoa ki le fakamaau leia na fai e le sau. Ti na lotou i loa ki le sau, talie na lotou tio kua nofo le poto o le Atua iate ia, o taki a ia i ana fakamaau.

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Uluaki tosi o Koloniko 29:25

Na siki loa e le Eteleno a Salomone o taualuga lasi i mua o Iselaele katoa, ti na fakaliliu loa e ia lona sau o logologona ake i sau fuli o Iselaele i ona mua.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Ekesote 11:3

Kua tuku e le Eteleno ki le kau Esipito le alofa ki le kakai ; ti kua mauiga foki Moisese i le fenua o Esipito, ki tagata fakasausau a Falaone mo le kakai.

Ekesote 14:31

Na tio loa Iselaele ki le lima makeke o le Eteleno leia na vilo ki le kau Esipito. Ti na i loa le kakai ki le Eteleno, ti na tui loa a ia ki le Eteleno mo Moisese, lana tagata fakasausau.

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Uluaki tosi ki le kau Kolinto 10:2

ti na lotou papitema fuli ia Moisese i le ao mo le tai,

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 4:13

Na tino fa afe a tagata ala na too ia alatou masafu tau, ti kua tokamalie ki le tau, o saele i mua o le Eteleno ki le fenua o Seliko.

Sosue 4:15

Na pati loa le Eteleno kia Sosue :

Uluaki tosi a Samuele 12:18

Na fetapa loa Samuele ki le Eteleno, ti na tuku loa e le Eteleno i le aso fai lena le mana mo le ua. Na maua loa e le kakai katoa se i lasi ki le Eteleno mo Samuele.