Sosue 4:12 - Tosi Tapu

¹² Ti na saele loa a vosa o Lupeni, mo vosa o Kate ti mo vosa o Manase mo alatou masafu i mua o fanau a Iselaele, o mulimuli ki le pati a Moisese kia latou.

Sosue 4:12 ပူးပေါင်းရင်းမြစ်များ

Ekesote 13:18

Kae na taki loa e le Atua le kakai i le ala o le toafa, i le fetuu o le tai Kula. Na pale loa fanau a Iselaele ofaipe se kau tau mei le fenua o Esipito.

Numelo 1:24

Ki vosa o Kate, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia,

Numelo 32:17

ti oki, e motou fakatavili loa o too amatou masafu, o muamua i fanau a Iselaele, o kaku ki le oki o lamatou fakanonofo latou i le fenua leia kua soli kia latou ; kae nonofo loa omatou fanau i ni kolo tau, o tupu ko kakai o le fenua.

Tetelonome 3:18

I le temi lena na kau tuku loa kia koutou le fakatotonu leinei : Ko leinei, kua soli loa e le Eteleno, lokoutou Atua, kia koutou le fenua leinei e tuu i le fetuu esite o le Solotane ; ke too loa e tagata tau fuli o koutou alatou masafu, o fakalaka i le Solotane i mua okoutou fetaina, ala ake fanau a Iselaele.

Tetelonome 33:21

Na filifili e ia a uluaki fua o le fenua, Talie i lena na fufu ai le tofiga o le pule o le lao ; Na saele a ia i mua o le kakai, Na fakasoko e ia le faitotonu a le Eteleno, Mo ana fakatotonu ki Iselaele.

Sosue 1:14

E nonofo loa okoutou fafine, mo okoutou fanau liliki ti mo okoutou kau manu i le fenua leinei na tuku atu kia koutou e Moisese i le fetuu leinei o le Solotane. Kae ko koutou fuli, ala ko tagata tau loto toa, ke kotou fakalaka loa mo akoutou masafu i mua okoutou fetaina, ti ke kotou tokoi loa kia latou,

Sosue 4:11

I le oki o le fakalaka o le kakai katoa i le Solotane, na toe ano loa le aleka o le Eteleno mo le kau tagata faisakilifisio i mua o le kakai.

Sosue 4:13

Na tino fa afe a tagata ala na too ia alatou masafu tau, ti kua tokamalie ki le tau, o saele i mua o le Eteleno ki le fenua o Seliko.