Sosue 4:10 - Tosi Tapu

¹⁰ Na tutuu loa a tagata faisakilifisio ala na amo ia le aleka i loto malie o le Solotane, o kaku ki le oki o le fai o nea fuli ala na fakatotonu e le Eteleno kia Sosue ke fakasa ki le kakai, o mulimuli ki nea fuli na tuku e Moisese kia Sosue. Ti na fakavilivili loa le kakai o fakalaka i le Solotane.

Sosue 4:10 ပူးပေါင်းရင်းမြစ်များ

Pesalemo 119:60

E kau fakavilivili, e leaise kau toe talitali O fai au fakatotonu.

Ekesote 12:39

Na lotou fakamoso loa ni kato sala fakatupu ki le falina leia kua lusi, leia na aumai mei Esipito kae na leikiaise tupu, talie na kapu latou mei Esipito, o lotou mavae fakatavili kae na leaise lotou too ia ni nea kai ke ano mo latou.

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Lua tosi ki le kau Kolinto 6:2

Talie e pati i le Tosi : I le temi faigamalie na kau tali a koe, Ile aso o le fakamauli na kau tokoi kiate koe. Tio, ko leinei le temi faigamalie ; Tio, ko leinei le aso o le fakamauli.

Tetelonome 31:9

Na tosi loa e Moisese le lao lena, o tuku ki le kau tagata faisakilifisio, vosa o Levi, ala na amo ia le aleka o le sai a le Eteleno, mo le kau fakamatuatua o Iselaele.

Sosue 24:11

Na kotou fakalaka loa i le Solotane ti na kotou kaku loa ki Seliko. Na tau loa kia koutou le kakai o Seliko, mo le kau Amole, mo le kau Eti, mo le kau Kilikasi, mo le kau Evi, ti mo le kau Sepusi. Kae na kau tuku loa latou ki okoutou lima,

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 4:11

I le oki o le fakalaka o le kakai katoa i le Solotane, na toe ano loa le aleka o le Eteleno mo le kau tagata faisakilifisio i mua o le kakai.

Sosue 4:9

Na fakatuu foki e Sosue ni fatu e kau agafulu tupu lua i loto malie o le Solotane, i le ganea leia na tutuu ai a tagata faisakilifisio ala na amo ia le aleka o le fakapapau, ti koi lotou tutuu i ai o kaku mai ki le aso nei.