Sosue 3:8 - Tosi Tapu

⁸ Ke ke tuku loa le fakatotonu leinei ki tagata faisakilifisio ala e amo ia le aleka o le fakapapau : Ka kotou ulu loa ki le vai o le Solotane ti ke kotou tutuu loa i loto o le Solotane.

Sosue 3:8 ပူးပေါင်းရင်းမြစ်များ

Lua tosi o Sau 2:6

Na pati loa Elia kia Eliseo : E kau kole atu kiate koe, ke ke nofo i leinei, talie kua kakau au e le Eteleno ki le Solotane. Na tali loa Eliseo : E mauli le Eteleno ti e mauli lou laumalie ! e leaise kau mavae loa iate koe. Ti na la soko atu lola fanoga.

Lua tosi o Koloniko 29:15

Na lotou fakatasii loa olatou fetaina, ti na lotou fakamea loa, ti na lotou au loa ke fakamea le fale o le Eteleno, o mulimuli ki le fakatotonu a le sau, o tupu ko folafola a le Eteleno.

Lua tosi o Koloniko 29:27

Na fakatotonu loa e Esekiasi ke momoli a failaulau i le aletale ; i le temi leia na kamata tutu ai loa le failaulau, na toe kamata ai foki a sua ki le Eteleno, ki le tagi o fakatagi pupusi mo nea fai musika a Tavite, sau o Iselaele.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:28

Na i ai foki se tasi o vosa o Sosata, vosa o Eliasipe, le tagata faisakilifisio lasi, na liliu ko le fugao o Sanepala, le tagata Oloni. Na kau kapu loa a ia ki mamao.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Tagi laulau a Selemia 3:26

E malie ke talitali fakalologo Ki le tokoi a le Eteleno.

Sosue 3:17

Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Sosue 3:3

ti na lotou tuku loa le fakatotonu leinei ki le kakai : ka kotou tio loa ki le aleka o le fakapapau o le Eteleno, lokoutou Atua, kua amo e le kau Levi faisakilifisio, ke kotou mavae loa i le ganea leia e kotou nofo ai, ti ke kotou saele loa i ona muli.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 3:9

Na pati loa Sosue ki fanau a Iselaele : Ke kotou fakafeofi mai ki leinei ti ke kotou fakalogo ki folafola a le Eteleno, lokoutou Atua.

Sosue 4:11

I le oki o le fakalaka o le kakai katoa i le Solotane, na toe ano loa le aleka o le Eteleno mo le kau tagata faisakilifisio i mua o le kakai.