Sosue 3:6 - Tosi Tapu

⁶ Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 3:6 ပူးပေါင်းရင်းမြစ်များ

Uluaki tosi o Sau 8:3

I le katoa mai o le kau matua fuli o Iselaele, na amo loa le aleka e le kau tagata faisakilifisio.

Lua tosi o Koloniko 5:4

I le kaku ake loa a le kau matua fuli o Iselaele, na amo loa e le kau Levi le aleka.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Numelo 10:33

Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Numelo 14:15

Kapau e tamate loa le kakai leinei ofaipe se tagata e tasi, e pati loa puleaga fuli ala na logo masau kiate koe :

Epelo 6:20

i le ganea leia kua ulu ki ai Sesu ofaipe se tagata kua muamua kia tatou, leia kua fakanofo ko le pule fai sakilifisio o lee gato, o mulimuli ki le faasiga o Melekiseteke.

Sosue 3:3

ti na lotou tuku loa le fakatotonu leinei ki le kakai : ka kotou tio loa ki le aleka o le fakapapau o le Eteleno, lokoutou Atua, kua amo e le kau Levi faisakilifisio, ke kotou mavae loa i le ganea leia e kotou nofo ai, ti ke kotou saele loa i ona muli.

Sosue 3:5

Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Sosue 6:6

Na kalagai loa e Sosue, vosa o Nune, le kau tagata faisakilifisio, o pati kia latou : Ke kotou amo ki okoutou tuauma le aleka o le fakapapau ti ke too e ni tagata faisakilifisio e toka fitu ni fakatagi pupusi, o saele i mua o le aleka o le Eteleno.