Sosue 3:5 - Tosi Tapu

⁵ Na pati loa Sosue ki le kakai : Ke kotou fakamea, talie i apogipogi e fai loa e le Eteleno ni nea fakaofolele i loto malie o koutou.

Sosue 3:5 ပူးပေါင်းရင်းမြစ်များ

Sopo 1:5

Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Pesalemo 77:15

Ko le Atua a koe leia e fai ia ni nea fakatalatupua ; Na ke fakasa lou mafimafi i le lotolotoga o kakai.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Soele 2:16

Kotou fakatasi le kakai, kotou fai se fono tapu ! Kotou fakatasi a matua, Kotou fakatasi a toe, Tatau foki mo toe koi u ! Ke mavae le tagata avaga i lona fale, Ti mo le fafine avaga i lona kogafale !

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 20:7

E kotou fakamaokioki loa koutou ti e kotou maokioki loa, talie ko au ko le Eteleno, ko lokoutou Atua.

Numelo 11:8

Na mavetevete loa le kakai i tafatafa o le nofolaga, o tae le mane i le mafoata ; ti na lotou fakamaluu loa a ia ki ni fatu fakamaluu, ti na lotou tuki loa a ia i ni ipu sima ; ti na lotou fakamoso loa a ia i ni kulo kapa, ti na lotou fai loa ki ai ni keke. Na kano malie a ia ofaipe ni keke ala na fai ki le lolo foou.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 3:15

Na apele pipi le Solotane ti na mafola ona vai i ona kauvai fuli i le temi katoa o le tau fulumeto. I le lakaga na kaku ai ki le Solotane le kau tagata faisakilifisio ala na amo ia le aleka, ti na susu ai olatou vae i le kauvai,

Sosue 3:4

Kae ke i ai loa se vasa ia koutou mo le aleka, ko ni tukilima e lua afe : ke aua na kotou fakafeofi ki ai. E fakasa atu loa e ia kia koutou le ala leia ke kotou ano ai, talie e leikiaise kotou ano i le ala lena.

Sosue 3:6

Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 7:13

Ke ke tuu ki aluga, ti ke ke fakamea le kakai. Ke ke pati loa : Ke kotou fakamea ki le aso apogipogi, talie ko leinei le folafola a le Eteleno, le Atua o Iselaele : E tuku ni nea kua fakatapui i loto malie o ou, Iselaele ! E leaise feala loa ke ke tuu i mua o ou fili mo kapau e leaise ke too a nea ana meiate koe.

Uluaki tosi a Samuele 16:5

Na tali loa Samuele : E io ; e kau au ke momoli se sakilifisio ki le Eteleno. Kotou fakamea, ti kotou au mo au ki le sakilifisio. Na pati loa Samuele ke fakamea Isaia mo ona vosa, ti na fakaafe loa e ia latou ki le sakilifisio.