Sosue 3:17 - Tosi Tapu

¹⁷ Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Sosue 3:17 ပူးပေါင်းရင်းမြစ်များ

Lua tosi o Sau 2:8

Ti na too loa e Elia lona taupulupulu o takatakai mo taai ki ai le vai o le Solotane, leia na mavaelua loa, ti na la fakalaka loa i le takele malo.

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:22

Na ulu loa fanau a Iselaele ki loto malie o le tai leia kua malo, ti na tuu loa a vai o fakakaua i le fetuu atamai mo le fetuu sema.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Numelo 33:51

Na pati loa a ia : Masau ki vosa o Iselaele, ti ke pati loa kia latou : Ka kotou fakalaka loa i le Solotane, o ulu loa ki le fenua o Kanaane,

Epelo 11:29

Ko le tui leia na lotou fakalaka ai loa i le tai Kula, ofaipe i se ganea malo, kae na folo loa e le tai le kau Esipito, leia na asiasi ke fakalaka i ai.

Sosue 4:1

I le oki o le fakalaka o le puleaga katoa i le Solotane, na pati loa le Eteleno kia Sosue :

Sosue 4:10

Na tutuu loa a tagata faisakilifisio ala na amo ia le aleka i loto malie o le Solotane, o kaku ki le oki o le fai o nea fuli ala na fakatotonu e le Eteleno kia Sosue ke fakasa ki le kakai, o mulimuli ki nea fuli na tuku e Moisese kia Sosue. Ti na fakavilivili loa le kakai o fakalaka i le Solotane.

Sosue 4:11

I le oki o le fakalaka o le kakai katoa i le Solotane, na toe ano loa le aleka o le Eteleno mo le kau tagata faisakilifisio i mua o le kakai.

Sosue 4:22

ti kotou fakamalamai loa okoutou vosa mo kotou pati loa kia latou : Na fakalaka Iselaele i le Solotane leinei i le malo.

Sosue 4:3

Ke kotou tuku kia latou le fakatotonu leinei : Ke kotou too i leinei, i loto malie o le Solotane, i le ganea leia na tutuu ai le kau tagata faisakilifisio, ni fatu e kau agafulu tupu lua. Kotou ave loa a fatu ana, ti ke kotou tuku loa latou i le ganea leia e kotou momoe ai loa i le po leinei.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.