Sosue 3:16 - Tosi Tapu

¹⁶ na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.

Sosue 3:16 ပူးပေါင်းရင်းမြစ်များ

Senesi 14:3

Ko latou anei na fakatasi loa i le vaivailiua o Sitime, leia ko le tai Mate.

Uluaki tosi o Sau 4:12

Na maua e Paana, vosa o Asilute, a Taanaki, mo Mekito, ti mo le fenua katoa o Pete-Seani leia na ofi ki Tesaletane, i lalo o Siseleele, mei Pete-Seani o kaku ki Apele-Meola, o toe natu i Sokemeami.

Uluaki tosi o Sau 7:46

Na saka mo gaoi a nea fuli ana i le fakatotonu a le sau i le potu toafa o le Solotane leia na maua ai se kele kula, i le vasa o Sikote mo Saletane.

Pesalemo 114:3

Na tio loa ki ai le tai, ti na sola loa a ia : Na toe liliu loa le Solotane ki muli ;

Pesalemo 114:5

Kolea kua soko kiate koe, ei tai, ke ke sola ai ? Kolea kua ke toe liliu ai ki muli, ei Solotane ?

Pesalemo 29:10

Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

Pesalemo 33:7

E tanaki fakatuuga e ia a vai o le tai, Ti e tuku e ia ki ni tanakiaga vai a moana.

Pesalemo 66:6

Na fetogi loa e ia le tai ko se kele malo, Na fakalaka loa i le vaitafe i vae : Koia na motou fiafia loa iate ia.

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Pesalemo 78:13

Na vaelua loa e ia le tai, ti na fakamavaa loa e ia kia latou se ala, Na fakatuuga loa e ia a vai ofaipe ni paa.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:22

Na ulu loa fanau a Iselaele ki loto malie o le tai leia kua malo, ti na tuu loa a vai o fakakaua i le fetuu atamai mo le fetuu sema.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Ekesote 15:8

I le tukumanava o ou pogoisu, na fakatuuga a vai, Na tanaki a vaitafe ofaipe se kaua, Na lotou fefeka i loto malie o le tai.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esekiele 47:8

Na pati mai loa a ia kiate au : E tafe loa le vai leinei ki le fenua o le potu esite, o ifo ki le toafa, o tau ki le tai ; ti ka kaku loa le vaitafe ki le tai, e fakamauli loa e ia a vai o le tai.

Naume 1:4

E valoki e ia le tai ti e malo a ia. E fakamasa e ia a vaitafe fuli ; E gae le Pasani mo le Kalemelo, E gae a fitii laakau o Lipane.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Numelo 34:3

I le saute, e gato atu loa lokoutou fenua i le toafa o Tesini mo le fenua o Etome. E fano loa le koiga i le fetuu esite, mei le potupotu o le tai Mate.

Tetelonome 1:1

Ko nei folafola ala na tuku loa e Moisese ki Iselaele katoa i le fetuu esite o le Solotane, i le toafa o Alapa, i mua o Sufi, i le vasa o Palani, mo Tofele, mo Lapane, mo Aseloti, mo Ti-Sasapi.

Tetelonome 3:17

Na mulimuli loa le koiga uesite i le tafeaga o le Solotane, i le vasa o le vai ko Senesaleti mo le tai Mate, o kaku ki vae o le mauga ko Pisika, leia e tuu i le fetuu esite.

Sosue 12:3

ti mei le toafa, o kaku ki le tai o Kineleti i le esite, ti o kaku ki le tai kona i le potu esite, i tafa o Pete-Sesimoti ; ti mo le potu saute, i le vae o le mauga ko Pisika.

Sosue 15:2

Ti na kamata le koiga saute mei le siku o le tai Kona, mei le alelo o le tai leia e agaaga ki le saute.

Sosue 16:7

I Sanoaki na ifo loa a ia ki Ataloti mo Naalata, o kaku loa ki Seliko, ti na fakaoki loa a ia ki le Solotane.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 4:22

ti kotou fakamalamai loa okoutou vosa mo kotou pati loa kia latou : Na fakalaka Iselaele i le Solotane leinei i le malo.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Tuifakamaau 7:22

I le temi katoa na pupusi ai loa a talai manu e le kau tagata e tino lelau tolu, na fai loa e le Eteleno i le nofolaga tau o Matiane ke fetauaki le kau Matiane o mamate. Na sola loa le toega o le kau Matiane o kaku ki Pete-Sita i le ala o Selela, ti toe kaku ki le kolo ko Apele-Meola, i tafa o Tapati.