Sosue 3:14 - Tosi Tapu

¹⁴ Na mavae loa le kakai mei olotou falela ke fakalaka i le Solotane, ti na saele loa le kau tagata faisakilifisio ala na amo ia le aleka i mua o le kakai.

Sosue 3:14 ပူးပေါင်းရင်းမြစ်များ

Pesalemo 132:8

Tuu ki aluga, Eteleno, au ki lou maloloaga, A koe mo le aleka o lou agai !

Selemia 3:16

Ka kotou liuliuga loa o lasi ti mo fanaunau loa i le fenua, I aso ana, e pati le Eteleno, E leaise toe masau loa ki le aleka o le sai a le Eteleno ; E leaise toe manatu loa se tasi ki ai. E leaise toe masau loa kiate ia ; E leaise toe mailoga loa lona puli, Ti e leaise toe fau loa se tasi ake aleka.

Tetelonome 31:26

Ke kotou too le tosi leinei o le lao, ti ke kotou tuku a ia ki tafa o le aleka o le sai o le Eteleno, lokoutou Atua ; e tuku loa a ia i ai ofaipe se fakamaoki kiate koe.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.

Sosue 24:11

Na kotou fakalaka loa i le Solotane ti na kotou kaku loa ki Seliko. Na tau loa kia koutou le kakai o Seliko, mo le kau Amole, mo le kau Eti, mo le kau Kilikasi, mo le kau Evi, ti mo le kau Sepusi. Kae na kau tuku loa latou ki okoutou lima,

Sosue 3:3

ti na lotou tuku loa le fakatotonu leinei ki le kakai : ka kotou tio loa ki le aleka o le fakapapau o le Eteleno, lokoutou Atua, kua amo e le kau Levi faisakilifisio, ke kotou mavae loa i le ganea leia e kotou nofo ai, ti ke kotou saele loa i ona muli.

Sosue 3:6

Na pati loa Sosue ki le kau tagata faisakilifisio : Ke kotou amo le aleka o le fakapapau ti ke kotou saele i mua o le kakai. Na lotou amo loa le aleka o le fakapapau ti na lotou saele loa i mua o le kakai.

Sosue 6:6

Na kalagai loa e Sosue, vosa o Nune, le kau tagata faisakilifisio, o pati kia latou : Ke kotou amo ki okoutou tuauma le aleka o le fakapapau ti ke too e ni tagata faisakilifisio e toka fitu ni fakatagi pupusi, o saele i mua o le aleka o le Eteleno.