Sosue 3:13 - Tosi Tapu

¹³ I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 3:13 ပူးပေါင်းရင်းမြစ်များ

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Pesalemo 33:7

E tanaki fakatuuga e ia a vai o le tai, Ti e tuku e ia ki ni tanakiaga vai a moana.

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Pesalemo 78:13

Na vaelua loa e ia le tai, ti na fakamavaa loa e ia kia latou se ala, Na fakatuuga loa e ia a vai ofaipe ni paa.

Ekesote 15:8

I le tukumanava o ou pogoisu, na fakatuuga a vai, Na tanaki a vaitafe ofaipe se kaua, Na lotou fefeka i loto malie o le tai.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Apakuki 3:15

E ke takatakafi le tai ki au osi, mo le pela o atu vai lalasi.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sosue 3:11

Ko leinei, e fakalaka loa le aleka o le fakapapau o le Aliki o le malama nei katoa i le Solotane i mua o koutou.

Sosue 4:7

E kotou tali loa kia latou : Na tuuti lua a vai o le Solotane i mua o le aleka o le Eteleno ; i le temi leia na fakalaka ai le aleka i le Solotane, na mavaelua a vai o le Solotane, ti e tuu loa a fatu anei ofaipe tausi alofa ki fanau a Iselaele.